ഓറഞ്ചു ജഴ്സിയില് ടീം ഇന്ത്യ വരുന്നു... കാത്തിരിപ്പ് ഞായറാഴ്ച വരെ
ഒടുവില് ആരാധകരുടെ ആകാംഷ അവസാനിപ്പിച്ച് ഇന്ത്യ ഇംഗഌ് മത്സരത്തിന് തൊട്ടുമുമ്പായി ടീം ഇന്ത്യ തങ്ങളുടെ എവേ ജഴ്സി പുറത്തിറക്കി. ഓറഞ്ചും നീലയും ഇടകലര്ത്തിയുള്ള എവേ ജഴ്സിയില് ധോനിയൂം കോഹ്ലിയും പാണ്ഡ്യയും ഷമിയുമെല്ലാം പോസ് ചെയ്തു.
ഞായറാഴ്ചയാണ് ഇന്ത്യാ ഇംഗഌ് മത്സരം നടക്കുന്നത്. ഇതിന് തൊട്ടുമുമ്പായിട്ടാണ് ഇന്ത്യ രണ്ടാം ജഴ്സി പുറത്തിറക്കിയത്. ഈ മത്സരത്തിന് ഇന്ത്യ ഇറങ്ങുക ഓറഞ്ചു ജഴ്സിയാലാകും. താരങ്ങള്ക്ക് അനായാസം ചലിക്കാന് കഴിയുന്ന വിധത്തിലും അത്യാധുനികതയ്ക്ക് ഇണങ്ങും വിധവുമാണ് ജഴ്സി ഡിസൈന് ചെയ്തിരിക്കുന്നത്. ഈ ലോകകപ്പിലാണ് ഐസിസി ആദ്യമായി അവേ ജഴ്സി നടപ്പാക്കിയത്.
ആതിഥേയ രാജ്യം ഒഴികെയുള്ള ടീമുകള്ക്ക് മത്സരത്തില് ഒരേ നിറത്തിലുള്ള ജഴ്സി വന്നാല് മറ്റൊരു നിറത്തിലുള്ള ജഴ്സി ഇടണമെന്ന നിര്ദേശമാണ് നല്കിയത്. ഇതിന്റെ ഭാഗമായിട്ടാണ് ഇന്ത്യ ഓറഞ്ച് ജഴ്സി ഇറക്കിയത്. ലോകകപ്പില് മികച്ച പ്രകടനം നടത്തുന്ന ഇന്ത്യ പട്ടികയില് ഓസ്ട്രേലിയയ്ക്ക് പിന്നില് രണ്ടാം സ്ഥാനത്താണ്. ഇംഗഌിനെതിരേ അടുത്ത മത്സരം കൂടി ജയിക്കാനായാല് സെമിയില് കടക്കും.
https://www.facebook.com/Malayalivartha