ശ്രീലങ്കയ്‌ക്കെതിരായ ലോകകപ്പ് മത്സരത്തില്‍ ഇന്ത്യയ്ക്ക് ജയിക്കാന്‍ 265 റണ്‍സ്. 128 പന്തില്‍ 113 റണ്‍സെടുത്ത് സെഞ്ച്വറി നേടിയ ആഞ്ചലോ മാത്യൂസിനെ ജസ്പ്രീത് ബുമ്രയാണ് പുറത്താക്കിയത്. ടോസ് നേടി ബാറ്റിംഗ് തിരഞ്ഞെടുത്ത ശ്രീലങ്ക 50 ഓവറില്‍ ഏഴു വിക്കറ്റ് നഷ്ടത്തിലാണ് 264 റണ്‍സ് തികച്ചത്.

ശ്രീലങ്കയ്ക്ക് വേണ്ടി ഓപ്പണര്‍മാരായ ദിമുത് കരുണരത്‌നെ 10(17), കുശാല്‍ പെരേര 18(14), കുശാല്‍ മെന്‍ഡിസ് 20(20), ആവിഷ്‌ക ഫെര്‍ണാണ്ടോ 20 (21), ലഹിരു തിരിമാന്നെ 53 (68) എന്നിവരാണ് റണ്‍സെടുത്തത്. ഇന്ത്യയ്ക്കായി ജസ്പ്രീത് ബുമ്ര മൂന്ന്, ഹാര്‍ദിക് പാണ്ഡ്യ, കുല്‍ദീപ് യാദവ്, രവീന്ദ്ര ജഡേജ, ഭുവനേശ്വര്‍ കുമാര്‍ എന്നിവര്‍ ഓരോ വിക്കറ്റും വീഴ്ത്തി.