കോലിയുടേത് മോശം ക്യാപ്റ്റന്സിയാണ്.. ധോണിയുടെയും രോഹിത്തിന്റെയും സാന്നിധ്യം ടീമിന് ഗുണം ചെയ്തു; വിമര്ശിച്ച് ഗംഭീര്
ലോകകപ്പിലും ലോക ക്രിക്കറ്റിലും മികച്ച ബാറ്റ്സ്മാനാണ് വിരാട് കോലി, അക്കാര്യത്തിൽ ആർക്കും ഒരു തർക്കവുമില്ല.എന്നാൽ കോലിയുടെ ക്യാപ്റ്റിൻസിക്ക് നേരെയുള്ളത് രണ്ടഭിപ്രായമാണ്. ഇപ്പോഴിതാ മുന് ഇന്ത്യന് താരവും എംപിയും ഇന്ത്യയുടെ എക്കാലത്തെയും മികച്ച ഒപ്പനെർമാരിലൊരാളുമായ ഗൗതം ഗംഭീറും കോലിയുടേത് മോശം ക്യാപ്റ്റിൻസിയാണെന്ന് വിമര്ശിച്ചിരിക്കുകയാണ്.
ഗംഭീർ പറയുന്നതിങ്ങനെ....''ലോകകപ്പില് വിരാട് കോലി ഒരു നല്ല ക്യാപ്റ്റനായി കാണപ്പെട്ടത് ധോണിയും രോഹിത്തും ടീമിലുണ്ടായിരുന്നു എന്നതിനാലാണ്. ക്യാപ്റ്റനെന്ന നിലയില് കോലിയെ പരിഗണിക്കാനാവില്ല, അദ്ദേഹം ഒരു ഐപിഎല് കിരീടമെങ്കിലും നേടണമായിരുന്നു . ആര്സിബിയെ ഒരുപാട് സീസണായി അദ്ദേഹം നയിച്ചു. എന്നാല് മിക്കപ്പോഴും ടീം അവസാന സ്ഥാനത്താണ് ഒതുങ്ങിപ്പോവുന്നു.
ഒരു ബാറ്റ്സ്മാനെന്ന നിലയില് കോലി ആദ്യ നാലില് വരുമെങ്കിലും. ക്യാപ്റ്റനെന്ന നിലയില് കോലിക്ക് ധോണിയെക്കാളും രോഹിത്തിനേക്കാളും ഉയരാനായിട്ടില്ല. ആര്സിബിയെ നയിക്കുമ്പോള് നിര്ദേശങ്ങള് നൽകാൻ ഇവർ രണ്ട് പേരും ഉണ്ടാകാറില്ല.'' സെമി ഫൈനലിൽ ന്യൂസിലാൻഡിനോട് ഇന്ത്യ തോൽക്കുമ്പോൾ എം സ് ധോണിയെ ശരിയായ സമയത്തു ഇറക്കിയില്ല എന്ന ചോദ്യം എല്ലാ വശത്തു നിന്നും ഉയരുന്നതിനിടെയാണ് കോലിയുടെ ക്യാപ്റ്റിൻസിക്ക് നേരെയുള്ള മുൻതാരത്തിന്റെ ഈ വിമർശനം.
https://www.facebook.com/Malayalivartha
