ക്രിക്കറ്റ് ലോകകപ്പില് താരമായി ന്യൂസിലന്ഡ് നായകന് കെയ്ന് വില്യംസണ്... ക്രിക്കറ്റ് ഇതിഹാസം സച്ചിന് തെണ്ടുല്ക്കറില് നിന്നാണ് വില്യംസണ് ടൂര്ണമെന്റിലെ മികച്ച താരത്തിനുള്ള പുരസ്കാരം ഏറ്റുവാങ്ങിയത്
ക്രിക്കറ്റ് ലോകകപ്പില് താരമായി ന്യൂസിലന്ഡ് നായകന് കെയ്ന് വില്യംസണ്. പത്ത് മത്സരങ്ങളില്നിന്ന് 578 റണ്സ് നേടിയാണ് വില്യംസണ് ടൂര്ണമെന്റിലെ താരമായത്. രണ്ട് സെഞ്ചുറികളും രണ്ട് അര്ധ സെഞ്ചുറികളുമാണ് താരത്തിന്റെ ബാറ്റില്നിന്നു പിറന്നത്. 82.57 ശരാശരിയിലാണ് വില്യംസണിന്റെ പ്രകടനം. ഈ ലോകകപ്പില് കൂടുതല് റണ്സ് നേടിയ ബാറ്റ്സ്മാന്മാരുടെ പട്ടികയില് നാലാം സ്ഥാനത്താണ് വില്യംസണ്.
ക്രിക്കറ്റ് ഇതിഹാസം സച്ചിന് തെണ്ടുല്ക്കറില് നിന്നാണ് വില്യംസണ് ടൂര്ണമെന്റിലെ മികച്ച താരത്തിനുള്ള പുരസ്കാരം ഏറ്റുവാങ്ങിയത്. വില്യംസണിന്റെ മികച്ച പ്രകടനത്തിന്റെ മികവിലാണ് ന്യൂസിലന്ഡ് ലോകകപ്പ് ഫൈനലില് വരെ എത്തിയത്. വില്യംസണിനു ഫെര്ഗൂസണ് ഉള്പ്പെടെയുള്ള ബൗളര്മാരും മികച്ച പിന്തുണ നല്കിയിരുന്നു. ഒന്പത് മത്സരങ്ങളില്നിന്ന് ഫെര്ഗൂസണ് 21 വിക്കറ്റുകള് നേടിയിരുന്നു. ഒരു ലോകകപ്പില് ഏറ്റവും കൂടുതല് റണ്സ് നേടുന്ന നായകന് എന്ന റിക്കാര്ഡും വില്യംസണ് സ്വന്തമാക്കി.
ലോകകപ്പ് ഫൈനലില് ഇംഗ്ലണ്ടിനെതിരെ ബാറ്റ് ചെയ്യവെ പത്താം ഓവറില് ജോഫ്രാ ആര്ച്ചറുടെ പന്തില് സിങ്കിള് നേടി 549 റണ്സ് ഈ ടൂര്ണമെന്റില് തികച്ചതോടെയാണ് വില്യംസണ് റിക്കാര്ഡ് സ്വന്തമാക്കിയത്.
"
https://www.facebook.com/Malayalivartha
