ക്രിക്കറ്റ് ആരാധകർ ആകാംഷയോടെ കാത്തിരുന്ന വിവരമാണ് ധോണി വെസ്റ്റ് ഇൻഡീസ് പര്യടനത്തിനു ഉണ്ടാകുമോ ഇല്ലയോ എന്നത്. എന്നാൽ വെസ്റ്റ് ഇൻഡീസ് പര്യടനത്തിൽ നിന്നും ധോണി പിന്മാറി എന്നാണ് ഇപ്പോൾ പുറത്തു വരുന്ന വിവരം. വെസ്റ്റ് ഇന്‍ഡീസ് പര്യടനത്തിനുള്ള ഇന്ത്യന്‍ ക്രിക്കറ്റ് ടീമിനെ നാളെ പ്രഖ്യാപിക്കാൻ ഇരിക്കവെയാണ് ധോണിയുടെ പിന്മാറൽ. അടുത്ത രണ്ടു മാസത്തേക്ക് ടെറിട്ടോറിയൽ ആർമിക്കൊപ്പം ചിലവിടാനാണ് ധോണിയുടെ തീരുമാനം. ധോണിയുടെ ഭാവിയെ സംബന്ധിച്ച ആശങ്കകൾ നിൽക്കവെയാണ് വെസ്റ്റ് ഇൻഡീസ് പരമ്പരക്കുള്ള ടീമിൽ താരം ഉണ്ടാകില്ലെന്നു അറിഞ്ഞിരിക്കുന്നത്. തന്നെ പരിഗണിക്കേണ്ടെന്ന് ധോണി സെലക്ടർമാരെ അറിയിച്ചതയാണ് സൂചന.

അതേ സമയം ധോണി വിരമിക്കുന്നതിൻറെ സൂചനയായി ഇതിനെ കാണേണ്ടെന്നും ബിസിസിഐ വൃത്തങ്ങൾ വ്യക്തമാക്കി. ധോണിയുടെ അഭാവത്തിൽ റിഷഭ് പന്താകും പരമ്പരയിൽ വിക്കറ്റ് കീപ്പർ.
ഓഗസ്റ്റ് മൂന്നിന് തുടങ്ങുന്ന വെസ്റ്റ് ഇൻഡീസ് പര്യടനത്തിൽ ധോണി ഉണ്ടാകുമോ ഇല്ലയോ എന്ന സംശയങ്ങൾക്ക് ഇതോടെ ഉത്തരം കിട്ടിയിരിക്കുകയാണ്‌. മൂന്ന് ടി20 മത്സരങ്ങളും മൂന്ന് ഏകദിനവും രണ്ട് ടെസ്റ്റുകളും അടങ്ങുന്നതാണ് പരമ്പര.