ദക്ഷിണാഫ്രിക്കയുടെ എക്കാലത്തെയും മികച്ച ഫാസ്റ്റ് ബൗളര്‍മാരിലൊരാളായ ഡെയ്ല്‍ സ്‌റ്റെയിന്‍ ടെസ്റ്റ് ക്രിക്കറ്റില്‍ നിന്ന് വിരമിച്ചു. എന്നാല്‍ ഏകദിന- ടി20 മത്സരങ്ങളില്‍ തുടര്‍ന്നും കളിക്കും. നിശ്ചിത ഓവര്‍ ക്രിക്കറ്റില്‍ ശ്രദ്ധ കേന്ദ്രീകരിക്കാനാണ് ടെസ്റ്റ് ക്രിക്കറ്റില്‍ നിന്ന് ഡെയ്ല്‍ സ്റ്റെയിന്‍ വിരമിക്കല്‍ പ്രഖ്യാപിച്ചത്.

ക്രിക്കറ്റിലുള്ള എല്ലാവര്‍ക്കും നന്ദി പറയുന്നു, പ്രത്യേകിച്ച് ആരോടും പറയുന്നില്ല. കാരണം എല്ലാവരും എനിക്കൊപ്പം യാത്രയിലുണ്ടായിരുന്നവരാണ് സ്റ്റെയിന്‍ പറഞ്ഞു.93 ടെസ്റ്റുകള്‍ കളിച്ചിട്ടുള്ള 36കാരന്‍ 439 വിക്കറ്റുകള്‍ സ്വ്ന്തമാക്കിയിട്ടുണ്ട്. ടെസ്റ്റ് ക്രിക്കറ്റ് ചരിത്രത്തില്‍ ഏറ്റവും കൂടുതല്‍ വിക്കറ്റുകല്‍ വീഴ്ത്തിയിട്ടുള്ള ബൗളര്‍മാരില്‍ എട്ടാമനാണ് സ്റ്റെയ്ന്‍. പേസര്‍മാരുടെ പട്ടികയില്‍ അഞ്ചാം സ്ഥാനവും സ്റ്റെയ്‌നിനുണ്ട്.

2016ല്‍ ഓസ്‌ട്രേലിയന്‍ പര്യടനത്തിനിടെ തോളെല്ല് പൊട്ടിയിട്ട് സ്റ്റെയിന്റെ കരിയര്‍ അവസാനിച്ചെന്ന് കരുതിയിരുന്നു. പക്ഷെ 14 മാസത്തെ ഇടവേളയ്ക്ക് ശേഷം അദ്ദേഹം തിരിച്ചു വന്നപ്പോള്‍ ആദ്യ കളിയിലെ 14ാമത്തെ പന്തില്‍ സ്റ്റെയിന്‍ വിക്കറ്റ് നേടുകയുണ്ടായി. അഞ്ച് പത്ത് വിക്കറ്റ് നേട്ടവും 26 തവണ അഞ്ച് വിക്കറ്റ് നേട്ടവും സ്റ്റെയ്ന്‍ സ്വന്താക്കി. 7/51 ആണ് ടെസ്റ്റ് കരിയറിലെ സ്റ്റെയിനിന്റെ ഏറ്റവു മികച്ച പ്രകടനം.