ട്വന്റി 20 ക്രിക്കറ്റിലെ വെസ്റ്റിന്ഡീസിനെതിരായ സമ്പൂര്ണ ജയത്തിന്റെ ആത്മവിശ്വാസത്തില് ഇന്ത്യന് ടീം ഏകദിനത്തിലേക്ക്
ട്വന്റി 20 ക്രിക്കറ്റിലെ വെസ്റ്റിന്ഡീസിനെതിരായ സമ്പൂര്ണ ജയത്തിന്റെ ആത്മവിശ്വാസത്തില് ഇന്ത്യന് ടീം ഏകദിനത്തിലേക്ക്. ഇന്ത്യവിന്ഡീസ് ഏകദിന പരമ്ബരയിലെ ആദ്യ മത്സരം ഇന്നു രാത്രി ഏഴുമുതല് ഗയാനയില്.ഏകദിനത്തില് ശിഖര് ധവാന് ഓപ്പണറായി തിരിച്ചെത്തുന്നതോടെ കെ.എല് രാഹുല് നാലാം സ്ഥാനത്തേക്ക് മാറും. വിക്കറ്റ് കീപ്പറായി ഋഷഭ് പന്ത് തുടരും.
കേദാര് ജാദവ്, മനീഷ് പാണ്ഡെ, ശ്രേയസ് അയ്യര് എന്നിവര് ഇലവനിലെത്താന് മത്സരിക്കുന്നു. ശ്രേയസ്സിന് ട്വന്റി 20യില് അവസരം കിട്ടിയിരുന്നില്ല.ബൗളിങ്ങില് ഭുവനേശ്വറിന് വിശ്രമം നല്കിയാല് മുഹമ്മദ് ഷമി നേതൃത്വം ഏറ്റെടുക്കും. നവ്ദീപ് സെയ്നി, ദീപക് ചഹാര് എന്നിവരും അവസരത്തിനായി കാത്തിരിക്കുന്നു. വെസ്റ്റിന്ഡീസ് നിരയില് ക്രിസ് ഗെയ്ല് കളിച്ചേക്കും. ഇന്ത്യയ്ക്കെതിരായ പരമ്ബരയോടെ കരിയര് അവസാനിപ്പിക്കുമെന്ന് ഗെയ്ല് നേരത്തേ പ്രഖ്യാപിച്ചിരുന്നു.
കേദാര് ജാദവ്, ഋഷഭ് പന്ത് എന്നിവര് 5, 6 സ്ഥാനങ്ങളിലിറങ്ങാനാണ് സാധ്യത. ട്വന്റി 20യില് ഗംഭീര അരങ്ങേറ്റം കുറിച്ച നവ്ദീപ് സെയ്നി ഇന്ന് ആദ്യ ഏകദിനം കളിച്ചേക്കും.
"
https://www.facebook.com/Malayalivartha
