ആന്റിഗ്വയിലെ ജോളി ബീച്ചില് ഇന്ത്യന് ടീമിന്റെ ഉല്ലാസം
പോര്ട്ട് ഓഫ് സ്പെയ്നില് ലോക ടെസ്റ്റ് ചാംപ്യന്ഷിപ്പിന്റെ ഭാഗമായ ടെസ്റ്റ് പരമ്പരയ്ക്കു മുന്നോടിയായി കടലില് കുളിച്ചും ബീച്ചില് ആഘോഷിച്ചും ഇന്ത്യന് താരങ്ങളുടെ ഉല്ലാസം. ക്യാപ്റ്റന് വിരാട് കോലിയുടെ നേതൃത്വത്തിലാണ് ഇന്ത്യന് ടീമംഗങ്ങള് ആന്റിഗ്വയിലെ ജോളി ബീച്ചില് ഉല്ലാസത്തിനെത്തിയത്. വെസ്റ്റിന്ഡീസ് എ ടീമിനെതിരായ പരിശീലന മല്സരത്തിനു ശേഷം വെസ്റ്റിന്ഡീസിനെതിരായ ഒന്നാം ടെസ്റ്റിനു മുന്നോടിയായി ലഭിച്ച രണ്ടു ദിവസമാണ് ഇന്ത്യന് ടീം ഉല്ലാസത്തിനു തിരഞ്ഞെടുത്തത്.
താരങ്ങളും സപ്പോര്ട്ടിങ് സ്റ്റാഫും കടലില് കുളിക്കുന്നതിന്റെ ദൃശ്യങ്ങള് 'സ്റ്റണ്ണിങ് ഡേ അറ്റ് ദ് ബീച്ച് വിത്ത് ബോയ്സ്' എന്ന ക്യാപ്ഷനോടെ കോലി ഇന്സ്റ്റഗ്രാമില് പങ്കുവച്ചു. മായങ്ക് അഗര്വാള്, ജസ്പ്രീത് ബുമ്ര, ഇഷാന്ത് ശര്മ, ഋഷഭ് പന്ത്, അജിങ്ക്യ രഹാനെ, രോഹിത് ശര്മ, കെ.എല്. രാഹുല് തുടങ്ങിയവര് ചിത്രത്തിലുണ്ട്.
വെസ്റ്റിന്ഡീസിനെതിരായ രണ്ടു ടെസ്റ്റുകളടങ്ങിയ പരമ്പരയിലെ ആദ്യ മല്സരം വ്യാഴാഴ്ചയാണ് ആരംഭിക്കുന്നത്. ടെസ്റ്റ് പരമ്പരയ്ക്കു മുന്നോടിയായുള്ള ട്വന്റി20 പരമ്പര 3-0നും ഏകദിന പരമ്പര 2-0നും ഇന്ത്യ സ്വന്തമാക്കിയിരുന്നു. ചരിത്രത്തിലാദ്യമായി വിന്ഡീസ് മണ്ണില് ട്വന്റി20, ഏകദിന, ടെസ്റ്റ് പരമ്പരകള് ഒരുമിച്ചു നേടാനുള്ള അവസരമാണ് വിരാട് കോലിക്കും സംഘത്തിനും മുന്നിലുള്ളത്.
https://www.facebook.com/Malayalivartha
