അമ്പാട്ടി റായിഡു വീണ്ടും ക്രിക്കറ്റിലേക്ക്
അന്താരാഷ്ട്ര ക്രിക്കറ്റില് നിന്ന് വിരമികുന്നു എന്ന തീരുമാനം രണ്ട് മാസം തികയും മുന്നേ അമ്ബാട്ടി റായുഡു ക്രിക്കറ്റിലേക്ക് തിരിച്ചുവരുന്ന വാർത്തകളാണ് ഇപ്പോൾ പുറത്ത് വരുന്നത്. 2019-20 സീസണില് ഹൈദരാബാദിന്റെ ട്വന്റി-20 ടീമില് റായുഡു കളിക്കുമെന്നാണ് വ്യക്തമാക്കുന്നത്. ഇക്കാര്യം ഹൈദരാബാദ് ക്രിക്കറ്റ് അസോസിയേഷന് ഔദ്യോഗികമായി അറിയിച്ചു.
നേരത്തെതന്നെ എല്ലാ ഫോര്മാറ്റിലും കളിക്കാന് തയ്യാറാണെന്ന് വ്യക്തമാക്കി ക്രിക്കറ്റ് അസോസിയേഷന് റായുഡു കത്തെഴുതിയിരുന്നു. ഇതിന് പിന്നാലെയാണ് ക്രിക്കറ്റ് അസോസിയേഷന് താരത്തെ ടീമിലുള്പ്പെടുത്തിയത്. ക്രിക്കറ്റില് നിന്ന് പൂര്ണമായും വിരമിച്ച റായുഡുവിന്റെ തിരിച്ചുവരവ് എന്ന തീരുമാനത്തിന് പിന്നില് സീനിയര് താരങ്ങളുടെ ഇടപെടലുകളുണ്ടെന്നാണ് പുറത്തുവരുന്ന റിപ്പോര്റ്റുകൾ വ്യക്തമാക്കുന്നത്.
2019-ലെ ലോകകപ്പ് മത്സരത്തിലെ ടീമിൽ തന്നെ പരിഗണിക്കും എന്നാണ് റായിഡു കരുതിയത്.എന്നാൽ ലോകകപ്പ് ടീമില് ഉള്പ്പെടുത്താത്തതിനെ തുടര്ന്ന് പ്രതിഷേധമെന്ന നിലയിലാണ് റായുഡു വിരമിക്കല് പ്രഖ്യാപിച്ചത്. വിജയ് ശങ്കറിന് പരിക്കേറ്റിട്ടും ഇന്ത്യയുടെ സ്റ്റാന്ഡ് ബൈ താരമായിരുന്ന റായുഡുവിനെ തഴയുകയും അതോടൊപ്പം തന്നെ സെലക്ടര്മാര് മായങ്ക് അഗര്വാളിനെ ഇംഗ്ലണ്ടിലേക്ക് അയക്കുകയുമായിയിരുന്നു. ഇതിന് പിന്നാലെയാണ് അദ്ദേഹം രാജിവെച്ചത്.
https://www.facebook.com/Malayalivartha