പരിമിത ഓവറില് ഇരട്ട സെഞ്ചുറി നേടുന്ന ആദ്യ മലയാളി ; സഞ്ജു സാംസണ്
വിജയ് ഹസാരെ ക്രിക്കറ്റ് ചാംപ്യന്ഷിപ്പില് സഞ്ജു വി സാംസന് ഇരട്ടസെഞ്ചുറി. ഗോവയ്ക്കെതിരെ 125 പന്തില് നിന്നാണ് സഞ്ജു കരിയറിലെ ആദ്യ ഇരട്ടസെഞ്ചുറി നേടിയത്. മൂന്നാം വിക്കറ്റില് സച്ചിന് ബേബിക്കൊപ്പം റെക്കോഡ് കൂട്ടുകെട്ടും സഞ്ജു കുറിച്ചു. സച്ചിന് തെന്ഡുല്ക്കര് - രാഹുല് ദ്രാവിഡ് സഖ്യത്തിന്റെ കൂട്ടുകെട്ടാണ് ഇരുവരും മറികടന്നത്.
129 പന്തുകള് നേരിട്ട സഞ്ജു 164.34 സ്ട്രൈക് റേറ്റില് 10 സിക്സും 21 ഫോറുമുള്പ്പെടെ 212 റണ്സ് നേടി പുറത്താകാതെ നിന്നു. 66 പന്തില് നിന്ന് സെഞ്ചുറി തികച്ച സഞ്ജു 59 പന്തില് നിന്നാണ് ശേഷിച്ച 100 റണ്സ് അടിച്ചെടുത്തത്. വിജയ് ഹസാരെ ടൂര്ണമെന്റില് സെഞ്ചുറി നേടുന്ന ആദ്യ മലയാളി താരവും രണ്ടാമത്തെ ഇന്ത്യന് താരവുമായി സഞ്ജു.
2018-ല് ഉത്തരാഖണ്ഡിന്റെ കര്ണ് വീര് കൗശലാണ് വിജയ് ഹസാരയില് ഇരട്ടസെഞ്ചുറി നേടിയ ആദ്യതാരം. കേരളത്തിനായി മുന് ക്യാപ്റ്റന് സച്ചിന് ബേബി 135 പന്തുകള് നേരിട്ട് 127 റണ്സ് നേടി. വിജയ് ഹസാരെയിലെ ഏറ്റവും ഉയര്ന്ന മൂന്നാം വിക്കറ്റ് കൂട്ടുകെട്ടും ഇരുവരും ചേര്ന്ന് സ്വന്തമാക്കി. കേരളം അന്പത് ഓവറില് മൂന്നുവിക്കറ്റ് നഷ്ടത്തില് 377 റണ്സെടുത്തു.
https://www.facebook.com/Malayalivartha