പുതിയ ജേഴ്സിയും സ്പോണ്‍സറെയും പ്രഖ്യാപിച്ച്‌ കിങ്‌സ് ഇലവന്‍ പഞ്ചാബ്.അടുത്ത സീസണിലേക്കുള്ള കാര്യങ്ങളാണ് പ്രഖ്യാപിച്ചിരിക്കുന്നത്. കഴിഞ്ഞ ദിവസം മുഖ്യ പരിശീലകനായി അനില്‍ കുംബ്ലെയെ നിയമിച്ചിരുന്നു. ഇതിന് പിന്നാലെയാണ് അടുത്ത സീസണിലേക്കുള്ള പുതിയ ജേഴ്സിയുടെ പ്രകാശനവും പുതിയ സ്പോണ്‍സറെയും തീരുമാനിച്ചിരിക്കുന്നത്.

വരുന്ന മൂന്ന് വർഷം എബിക്സ് ക്യാഷ് ആവും കിങ്‌സ് ഇലവന്‍ പഞ്ചാബിന്റെ മുഖ്യ സ്പോണ്‍സര്‍. എബിക്സ് ക്യാഷ് സിഇഒ റോബിന്‍ റെയ്ന, കിങ്‌സ് ഇലവന്‍ സിഇഒ സതീഷ് മേനോന്‍, പരിശീലകന്‍ കുംബ്ലെ എന്നിവര്‍ ചേര്‍ന്നാണ് ജേഴ്‌സി പ്രകാശനം ചെയ്തത്. നേരത്തെ അനില്‍ കുംബ്ലെ പരിശീലകനായതിന് ശേഷം കിങ്‌സ് ഇലവന്‍ പഞ്ചാബ് ക്യാപ്റ്റന്‍ രവിചന്ദ്ര അശ്വിനെ ടീമില്‍ തുടുർന്ന് കൊണ്ട് പോകാൻ തീരുമാനിച്ചിരുന്നു.