മോശം പ്രകടനത്തെ തുടർന്ന് പാകിസ്ഥാൻ ക്യാപ്റ്റന്‍ സ്ഥാനത്തു നിന്നും സര്‍ഫറാസ് അഹമ്മദിനെ പുറത്താക്കി
പാകിസ്ഥാന്‍ ടെസ്റ്റ്, ട്വന്റി20 എന്നിവയിൽ ക്യാപ്റ്റന്‍ സ്ഥാനത്തുനിന്നും സര്‍ഫറാസ് അഹമ്മദ് പുറത്തായി. പാകിസ്ഥാനില്‍ നടന്ന ശ്രീലങ്കയ്ക്കെതിരായ ടി20 പരമ്പരയിലെ പരാജയത്തിന് പിന്നാലെയാണ് ട്വന്റി20 ടെസ്റ്റ് ഫോര്‍മാറ്റില്‍ നായകസ്ഥാനത്ത് നിന്നും സര്‍ഫറാസിനെ പുറത്താക്കിയിരിക്കുന്നത്.
ഇതിന് പുറകെ ഓസ്‌ട്രേലിയന്‍ പര്യടനത്തില്‍ നിന്നും വിക്കറ്റ് കീപ്പര്‍ ബാറ്റ്സ്മാന്‍ കൂടിയായ സര്‍ഫറാസിനെ ടീം മാനേജ്‌മെന്റ് ഒഴിവാക്കുകയുണ്ടായി. ക്യാപ്റ്റനെന്ന നിലയിലും ബാറ്റ്സ്മാനെന്ന നിലയിലും മോശം പ്രകടനമാണ് സര്‍ഫറാസ് അഹമ്മദ് നടത്തിയത്. ഈ കാരണത്താൽ ക്യാപ്റ്റന്‍ സ്ഥാനത്തു നിന്നും പാക് ക്രിക്കറ്റ് ബോര്‍ഡ് അദ്ദേഹത്തെ പുറത്താക്കിയിരിക്കുന്നത്. ടെസ്റ്റ് ചാമ്ബ്യന്‍ഷിപ്പില്‍ പാകിസ്ഥാനെ നയിക്കുന്നത് സീനിയര്‍ ബാറ്റ്സ്മാന്‍ അസര്‍ അലിയാകും. ബാബര്‍ അസമായിരിക്കും ട്വന്റി20യില്‍ പാകിസ്ഥാനെ നയിക്കുന്നത്.
https://www.facebook.com/Malayalivartha
