അഭിഷേക് നായര് ഫസ്റ്റ് ക്ലാസ് ക്രിക്കറ്റില്നിന്ന് വിരമിച്ചു
23 OCTOBER 2019 02:52 PM IST
മലയാളി വാര്ത്ത
മുന് ഇന്ത്യന് ഓള്റൗണ്ടറായ അഭിഷേക് നായര് ഫസ്റ്റ് ക്ലാസ് ക്രിക്കറ്റില്നിന്ന് വിരമിക്കല് പ്രഖ്യാപിച്ചു. ആഭ്യന്തര ക്രിക്കറ്റിലെ മുടിചൂടാമന്നന്മാരായ മുംബൈ ടീമില് ഒരു ദശാബ്ദത്തിലധികം നിര്ണായക സാന്നിധ്യമായിരുന്നു ഈ മുപ്പത്താറുകാരന്.
വിവിധ ആഭ്യന്തര ടൂര്ണമെന്റുകളില് പലതവണ മുംബൈയുടെ രക്ഷകനായി അവതരിച്ച് കയ്യടി നേടിയ ഈ ഓള്റൗണ്ടറിന്, രാജ്യാന്തര ക്രിക്കറ്റില് ആകെ അവസരം ലഭിച്ചത് മൂന്ന് ഏകദിനങ്ങളില് മാത്രം. രഞ്ജിയില് മുംബൈ 40-ാം കിരീടം നേടിയപ്പോള് സീസണിലുടനീളം മികച്ച ഫോമിലായിരുന്നു അഭിഷേക്.
തിരുവനന്തപുരം വട്ടിയൂര്ക്കാവ് ലക്ഷ്മിമന്ദിരത്തില് ലേഖയുടെയും ഒറ്റപ്പാലം സ്വദേശി മോഹന്നായരുടെയും മകനായ അഭിഷേക് ജനിച്ചതും വളര്ന്നതും കേരളത്തിനു വെളിയിലാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
