തുടരെ മികച്ച ഇന്നിങ്‌സുകളുമായി തകര്‍ത്തു കളിക്കുന്ന മലയാളി താരം സഞ്ജു സാംസണ് ഒടുവില്‍ ഒരിക്കല്‍കൂടി ഇന്ത്യന്‍ ടീമിലേക്ക് ക്ഷണം. ബംഗ്ലാദേശിനെതിരായ പരമ്പരയിലെ ട്വന്റി20 ടീമിലാണ് സഞ്ജുവിന് അവസരം ലഭിച്ചിരിക്കുന്നത്. ക്യാപ്റ്റന്‍ വിരാട് കോഹ്‌ലിക്ക് അവധി നല്‍കി രോഹിത് ശര്‍മക്ക് ക്യാപ്റ്റന്‍സി നല്‍കിയിട്ടുണ്ട്. 2014-15 സീസണില്‍ ഇംഗ്ലണ്ട് പര്യടനത്തിലും 2015ല്‍ സിംബാബ്‌വെ പര്യടനത്തിലും ഇന്ത്യന്‍ ടീമിലുണ്ടായിരുന്നുവെങ്കിലും ഒറ്റത്തവണ മാത്രമാണ് സഞ്ജു ദേശീയ ടീമിനായി ഇറങ്ങിയത്.

പ്രകടനമികവ് തുടര്‍ന്നെങ്കിലും അവഗണിക്കപ്പെട്ട സഞ്ജു തിരുവനന്തപുരത്ത് നടന്ന ഇന്ത്യ എ ദക്ഷിണാഫ്രിക്ക എ ഏകദിന പരമ്പരയിലെ അവസാന മത്സരത്തിലും അതുകഴിഞ്ഞ് വിജയ് ഹസാരെ ട്രോഫിയിലും കുറിച്ച ഇന്നിങ്‌സുകളാണ് സഞ്ജുവിന് തുണയായത്.