ലോകകപ്പ് മത്സരത്തില്‍ സ്‌കോട്ട്‌ലാന്‍ഡിനെതിരെ ന്യൂസിലാന്‍ഡിന് ജയം. സ്‌കോട്ട്‌ലാന്‍ഡ് ഉയര്‍ത്തിയ 143 റണ്‍സിന്റെ വിജയലക്ഷ്യം ന്യൂസിലാന്‍ഡ് 24.5 ഓവറില്‍ മറികടന്നു. ഏഴ് വിക്കറ്റുകള്‍ നഷ്ടപ്പെടുത്തിയാണ് ന്യൂസിലാന്‍ഡ് വിജയം സ്വന്തമാക്കിയത്.
ആദ്യം ബാറ്റ് ചെയ്ത സ്‌കോട്ട്‌ലാന്‍ഡ് ന്യൂസിലാന്‍ഡ് ബൗളിംഗിനു മുന്നില്‍ തകര്‍ന്നടിയുകയായിരുന്നു. അഞ്ചു ബാറ്റ്‌സ്മാന്‍മാരാണ് റണ്‍സൊന്നുമെടുക്കാതെ പുറത്തായത്. 56 റണ്‍സെടുത്ത മാറ്റ് മാച്ചും 50 റണ്‍സെടുത്ത റിച്ചി ബെറിഗ്ടണും മാത്രമാണ് ചെറുത്തുനിന്നത്.
ന്യൂസിലാന്‍ഡിനു വേണ്ടി വെട്ടോറിയും ആന്‍ഡേഴ്‌സണും മൂന്നു വിക്കറ്റു വീതം നേടി. സൗത്തിയും ബോള്‍ട്ടും രണ്ടു വിക്കറ്റു വീതവും സ്വന്തമാക്കി.

മറുപടി ബാറ്റിംഗിന് ഇറങ്ങിയ ന്യൂസിലാന്‍ഡിനും തകര്‍പ്പന്‍ ബാറ്റിംഗ് പ്രകടനമൊന്നും കാഴ്ചവയ്ക്കാന്‍ കഴിഞ്ഞില്ല. ഓപ്പണര്‍മാരായ ഗുപ്ടിലും മക്കല്ലവും യഥാക്രമം 17ഉം 15ഉം റണ്‍സെടുത്തു പുറത്തായി. വില്യംസണ്‍ 38 റണ്‍സ് എടുത്തു. എല്ലിയോട്ട് 29 റണ്‍സ് എടുത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha