ലോകകപ്പിലെ ആദ്യ ജയം തേടി ഏഷ്യന്‍ ടീമുകളായ ബംഗ്ലാദേശും അഫ്ഗാനിസ്ഥാനും കാന്‍ബറ മനുക ഓവലില്‍ ഇന്നിറങ്ങും. രണ്ടു സന്നാഹ മത്സരങ്ങളിലും പരാജയപ്പെട്ടാണ് ബംഗ്ലാദേശ് ലോകകപ്പിലെ ആദ്യ മത്സരത്തിന് എത്തുന്നത്. മറുവശത്തുള്ള അഫ്ഗാനിസ്ഥാന്റെ ആദ്യ ലോകകപ്പ് മത്സരമാണ്.

ഏകദിന റാങ്കിംഗില്‍ ബംഗ്ലാദേശാണ് മുമ്പിലെങ്കിലും അഫ്ഗാനിസ്ഥാനും ഒ്ട്ടും പിറകോട്ടല്ല. അടുത്ത കാലത്തെ അവരുടെ പ്രകടനങ്ങള്‍ മികച്ചുനില്‍ക്കുന്നു. ലോക നിലവാരത്തില്‍ തന്നെ പന്തെറിയാന്‍ കഴിയുന്ന പേസ് നിരയാണ് അഫ്ഗാന്റെ ശക്തി. ബംഗ്ലാദേശിനാണെങ്കില്‍ പരിചയ സമ്പന്നരുടെ ഒരു വന്‍ നിരതന്നെയാണ് ടീമിലുള്ളത്.