ലോകകപ്പിലെ ചരിത്രം തിരുത്തിയെഴുതാന്‍ ഇറങ്ങുന്ന ഇന്ത്യ രണ്ടാമത്തെ മത്സരത്തില്‍ ദക്ഷിണാഫ്രിക്കയ്‌ക്കെതിരേ ആദ്യം ബാറ്റ് ചെയ്യും. ടോസ് നേടിയ ഇന്ത്യന്‍ നായകന്‍ ധോനി ബാറ്റിംഗ് തെരഞ്ഞെടുത്തു. ലോകകപ്പില്‍ ഇതുവരെ ദക്ഷിണാഫ്രിക്കയെ തോല്‍പ്പിക്കാന്‍ കഴിഞ്ഞിട്ടില്ല എന്ന നാണക്കേട് മാറ്റിയെഴുതാനാകും ഇന്ത്യ ഇന്നിറങ്ങുക. പാകിസ്ഥാനെതിരേ ജയിച്ച ടീമില്‍ ഒരു മാറ്റവും വരുത്താതെയാണ് ധോനി ടീമുമായി ഇറങ്ങുന്നത്. കണക്കുകളിലെ കളിയില്‍ ദക്ഷിണാഫ്രിക്കയ്ക്കാണ് മുന്‍തൂക്കം. കഴിഞ്ഞ മൂന്ന് ലോകകപ്പുകളില്‍ ദക്ഷിണാഫ്രിക്കയെ നേരിട്ടപ്പോഴെല്ലാം ഇന്ത്യ പൊട്ടിയിരുന്നു. ഇന്ത്യയും ദക്ഷിണാഫ്രിക്കയും തമ്മിലുള്ള 70 കളികളില്‍ 42 ലും ഇന്ത്യയ്ക്ക് പരാജയമായിരുന്നു. 28 എണ്ണത്തില്‍ മാത്രമാണ് ഇന്ത്യ ജയിച്ചത്. ലോകകപ്പിന് മുമ്പ് നടന്ന ആറു മത്സരങ്ങളില്‍ അഞ്ചിലും ഇന്ത്യ പ്രോട്ടീസിനോട് തോറ്റു. അതേസമയം നിര്‍ണ്ണായക ടൂര്‍ണമെന്റുകളില്‍ ഒന്നായ ചാമ്പ്യന്‍സ് ലീഗില്‍ ധോനിയുടെ ടീം ദക്ഷിണാഫ്രിക്കയെ മറികടന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha