ഏകദിനത്തില്‍ നിന്നും വിരമിക്കുമെന്ന വാര്‍ത്ത നിഷേധിച്ച് പാക്കിസ്ഥാന്‍ താരം യൂനിസ് ഖാന്‍ രംഗത്തെത്തി. ലോകകപ്പിന് ശേഷം ഏകദിന ക്രിക്കറ്റിനോട് വിടപറയുമെന്ന് യൂനിസ് ഖാന്റെ പേരില്‍ ട്വിറ്ററില്‍ പോസ്റ്റ് പ്രത്യക്ഷപ്പെട്ടതിന് പിന്നാലെയാണ് വാര്‍ത്ത നിഷേധിച്ച് താരം രംഗത്തെത്തിയത്.
ലോകകപ്പിന് പിന്നാലെ വിരമിക്കുമെന്ന വാര്‍ത്ത തെറ്റാണെന്നും വിരമിക്കലിനെകുറിച്ച് ആലോചിച്ചിട്ട് പോലുമില്ലെന്നും എഎഫ്പി ന്യൂസ് ഏജന്‍സിക്ക് നല്കിയ അഭിമുഖത്തില്‍ യൂനിസ് പറഞ്ഞു. ലോകകപ്പിനു ശേഷം ഏകദിന ക്രിക്കറ്റില്‍ നിന്നും വിരമിക്കുമെന്നും ടെസ്റ്റില്‍ തുടരുമെന്നുമാണ് യൂനിസിന്റെ പേരില്‍ ട്വിറ്ററില്‍ പോസ്റ്റ് പ്രത്യക്ഷപെട്ടത്. ട്വിറ്ററില്‍ വന്ന വാര്‍ത്ത തെറ്റാണെന്നും തനിക്ക് ട്വിറ്റര്‍ അക്കൗണ്ട് ഇല്ലെന്നും യൂനിസ് പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha