ക്രിക്കറ്റ് ലോകകപ്പ് ആയതു കൊണ്ടാണോ എന്നറിയില്ല. വിരാട് കോഹ്ലി അനുഷ്‌ക്കാ ശര്‍മ്മ, യുവി പ്രീതിസിന്റ പ്രണയങ്ങള്‍ക്കാണ് ഇപ്പോള്‍ ആരാധകര്‍ മുഴുവനും. ഇരുവരുടേയും കഥകള്‍ പറക്കുന്നതിനിടയില്‍ ഇതാ വേറൊരു ബോളിവുഡ് ക്രിക്കറ്റ് ഗോസിപ്പ്. ഇത്തവണ കഥയിലെ നായകന്‍ ഇന്ത്യന്‍ ഓഫ് സ്പിന്നറും ലോകകപ്പ് ജേതാവുമായ ഹര്‍ഭജന്‍ സിംഗാണ് ബോളിവുഡ് നടി ഗീതാ ബസ്രയെ താരം രഹസ്യ വിവാഹ കഥകള്‍ക്കാണ് ഇപ്പോള്‍ പ്രചാരം.
ഇരുവരൂം മാര്‍ച്ചില്‍ വിവാഹം കഴിക്കാന്‍ തീരുമാനിച്ചിരിക്കുകയാണെന്നും രഹസ്യമായി വിവാഹം കഴിച്ചെന്നുമൊക്കെയാണ് വാര്‍ത്തകള്‍. എന്നാല്‍ യുവി പ്രീതി കഥകള്‍ പോലെ ഇതിനും സ്ഥിരീകരണം വന്നിട്ടില്ല. മാത്രമല്ല ഇരുവരും സംഗതി നിഷേധിക്കുകയും ചെയ്തിരിക്കുകയാണ്. എന്നാല്‍ വിവാഹത്തിനായുള്ള ഒരുക്കങ്ങള്‍ തുടങ്ങിക്കഴിഞ്ഞിരിക്കുകയാണെന്നും ഈ മാസം പകുതിയോടെ വിവാഹം കെങ്കേമമായി തന്നെ നടക്കുമെന്നും വിവരങ്ങളുണ്ട്. ഇരുവരും തമ്മില്‍ പ്രണയത്തിലാണെന്ന് നേരത്തേ തന്നെ വാര്‍ത്തകള്‍ പുറത്തു വന്നിരുന്നു.
ഹര്‍ഭജന്റെ കളികള്‍ നടക്കുമ്പോള്‍ മിക്കവാറും ഗീതയുടെ സാന്നിദ്ധ്യം കാണുന്നതായിരുന്നു കഥകള്‍ക്ക് കാരണമായിരുന്നത്. \'ദി ട്രെയിന്‍\' എന്ന സിനിമ ഒഴിച്ചാല്‍ കാര്യമായി ബോളിവുഡില്‍ മികവ് കാട്ടാന്‍ കഴിഞ്ഞിട്ടില്ലാത്ത ഗീതാ ബസ്ര പക്ഷേ ഹര്‍ഭജന്‍ ഗോസിപ്പിലൂടെയാണ് മാധ്യമശ്രദ്ധയിലേക്ക് പെട്ടെന്നുയര്‍ന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha