ഇന്ത്യന്‍ ക്രിക്കറ്റ് താരവും മുംബൈ ഇന്ത്യന്‍സ് ക്യാപ്റ്റനുമായ രോഹിത് ശര്‍മ വിവാഹിതനാകുന്നു. രോഹിതിന്റെ സ്‌പോര്‍ട്‌സ് ഇവന്റ്‌സ് മാനേജറും അടുത്ത സുഹൃത്തുമായിരുന്ന റിഥിക സജ്ദയാണ് വധു. 28 വയസുകാരായ ഇരുവരും ആറ് വര്‍ഷമായി പരിചയമുള്ളവരാണ്. ട്വിറ്ററിലൂടെ റിഥികയ്‌ക്കൊപ്പം നില്കുന്ന സെല്‍ഫി പോസ്റ്റ് ചെയ്താണ് രോഹിത് വിവാഹവാര്‍ത്ത പരസ്യമാക്കിയത്. ഞായറാഴ്ച പഞ്ചാബ് കിംഗ്‌സ് ഇലവനെതിരേ നേടിയ വിജയവും രോഹിത് റിഥികയ്ക്ക് സമര്‍പ്പിച്ചു.കഴിഞ്ഞ ലോകകപ്പിനിടെ ഇരുവരെയും ഒന്നിച്ച് കണ്ടത് വാര്‍ത്തയായിരുന്നു. രോഹിതിനൊപ്പം ഷോപ്പിംഗിനായി എത്തിയ റിഥികയുടെ ചിത്രവും മാധ്യമങ്ങളിലൂടെ പുറത്തായിരുന്നു. എന്നാല്‍ പ്രണയത്തെക്കുറിച്ച് അന്ന് ഇരുവരും പ്രതികരിച്ചില്ല. യുവരാജ് സിംഗ് അടക്കമുള്ള താരങ്ങള്‍ രോഹിതിനും റിഥികയ്ക്കും ആശംസകള്‍ അര്‍പ്പിച്ച് ട്വീറ്റ് ചെയ്തിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha