ഐ.പി.എല്ലില്‍ ഇന്ന് റോയല്‍ ചലഞ്ചേഴ്‌സ്- ഡല്‍ഹി ക്യാപിറ്റല്‍ പോരാട്ടം
ഐ.പി.എല്ലില്‍ പ്ലേഓഫും രണ്ടാംസ്ഥാനവും ഉറപ്പിക്കാനായി ഇന്ന് റോയല്‍ ചലഞ്ചേഴ്‌സ്- ഡല്‍ഹി ക്യാപിറ്റല്‍ പോരാട്ടം. പോയിന്റ് പട്ടികയില്‍ രണ്ടും മൂന്നും സ്ഥാനത്തുള്ള ഇവരില്‍ ആരു ജയിക്കുന്നുവോ അവര്‍ രണ്ടാം സ്ഥാനക്കാരായി പ്ലേഓഫില്‍ എത്തും. എന്നാല്‍ തോല്‍ക്കുന്ന ടീമിന്റെ ഭാവി നാളെ നടക്കാനിരിക്കുന്ന മുംബൈ-ഹൈദരാബാദ് മത്സരത്തെ ആശ്രയിച്ചാണ് ഇരിക്കുന്നത്.
പ്ലേഓഫിന്റെ പടിക്കലെത്തിയ ശേഷം നാലു മത്സരങ്ങളാണാണ് ഡല്‍ഹി തോറ്റത്. ഇതാണ് ടീമിനെ പ്രതിസന്ധിയിലാക്കിയത്. ബാംഗ്ലൂര്‍ മൂന്നു മത്സരങ്ങളിലും തോല്‍വി വഴങ്ങി. ഡല്‍ഹിയ്ക്ക് എട്ടു പോയിന്റുകള്‍ നഷ്ടമായപ്പോള്‍ ബാംഗ്ലൂരിന് ആറ് പോയിന്റുകളും നഷ്ടമായി.
ഹൈദരാബാദ് തോറ്റാല്‍ ഡല്‍ഹി - ബാംഗ്ലൂര്‍ മത്സരത്തില്‍ പരാജയപ്പെടുന്ന ടീമിന് പ്ലേ ഓഫിലെത്താം. ഇനി ഹൈദരാബാദ് ജയിച്ചാലും നെറ്റ് റണ്‍റേറ്റില്‍ കൊല്‍ക്കത്തയ്ക്കും ഹൈദരാബാദിനും പിന്നിലായില്ലെങ്കിലും പ്ലേ ഓഫിലേക്കുള്ള വഴി തുറന്നുകിട്ടും.
https://www.facebook.com/Malayalivartha
