ഇന്ത്യ-ബംഗ്ലാദേശ് പരമ്പരയിലെ ഏക ടെസ്റ്റ് സമനിലയിലേയ്ക്ക്. മത്സരത്തിന്റെ നാലാം ദിനവും ഭൂരിഭാഗവും മഴ തടസപ്പെടുത്തിയതോടെ ടെസ്റ്റ് സമനിലയിലാകുമെന്ന് ഉറപ്പായി. ഇന്ന് 30.1 ഓവര്‍ മാത്രമാണ് മത്സരം നടന്നത്.
മൂന്നാം ദിവസത്തെ സ്‌കോറായ 462/6 എന്ന നിലയില്‍ തന്നെ ഇന്ത്യ ഒന്നാം ഇന്നിംഗ്‌സ് ഡിക്ലയര്‍ ചെയ്‌തെങ്കിലും മഴ വീണ്ടും വില്ലനായി. 30.1 ഓവര്‍ ബാറ്റ് ചെയ്ത ബംഗ്ലാദേശ് 111/3 എന്ന നിലയിലാണ്. തമീം ഇക്ബാല്‍ (19), മോമിനുള്‍ ഹഖ് (30), മുഷ്ഫിഖുര്‍ റഹീം (2) എന്നിവരുടെ വിക്കറ്റുകളാണ് ആതിഥേയര്‍ക്ക് നഷ്ടമായത്. 59 റണ്‍സോടെ ഇംറുള്‍ ഖയാസും സ്‌കോര്‍ ബോര്‍ഡ് തുറക്കാതെ സാക്കിബ് അല്‍ ഹസനുമാണ് ക്രീസില്‍.