ഇന്ത്യന്‍ ബാറ്റിംഗ് ഇതിഹാസം സച്ചിന്‍ എപ്പോഴും താരം തന്നെയാണ്. സച്ചിന്‍ ഒരിക്കല്‍ കൂടി താരമാണെന്ന് തെളിയിച്ചിരിക്കുകയാണ്. ഇരുപത്തിയൊന്നാം നൂറ്റാണ്ടിലെ ഏറ്റവും മികച്ച ടെസ്റ്റ് ക്രിക്കറ്ററായി സച്ചിനെ ഇപ്പോള്‍ ഓസ്‌ട്രേലിയ തെരഞ്ഞെടുത്തിരിക്കുകയാണ്. ക്രിക്കറ്റ് ഓസ്‌ട്രേലിയ വെബ്‌സൈറ്റിലൂട (cricket.com.au) നടത്തിയ അഭിപ്രായ വോട്ടെടുപ്പിലാണ് സച്ചിനെ തിരഞ്ഞെടുത്തത്. റിക്കി പോണ്ടിംഗിനെയും ആദം ഗില്ക്രി സ്റ്റിനെയുംപോലുള്ള ഓസ്‌ട്രേലിയന് ഇതിഹാസങ്ങളെ പിന്തള്ളിയാണ് സച്ചിന് ഒന്നാമതെത്തിയത്.
16,000ത്തോളം പേര് പങ്കെടുത്ത അഭിപ്രായ വോട്ടെടുപ്പില്‍ 23 ശതമാനം വോട്ട് നേടിയാണ് സച്ചിന്‍ ഒന്നാമതെത്തിയത്. ശ്രീലങ്കന് താരം കുമാര്‍ സംഗക്കാര 14 ശതമാനം വോട്ടുമായി രണ്ടാം സ്ഥാനത്തെത്തിയപ്പോള്‍ ഓസ്‌ട്രേലിയുടെ ആദം ഗില്ക്രിപസ്റ്റ്(13%) മൂന്നാം സ്ഥാനത്തെത്തി. 11 ശതമാനം വോട്ടു നേടിയ മുന് ഓസീസ് നായകന് റിക്കി പോണ്ടിംഗ് നാലാം സ്ഥാനത്താണ്. ജാക് കാലിസ്(11%), എ.ബി.ഡിവില്ലിയേഴ്‌സ്(10%), ഷെയ്‌ന് വോണ്(9%), ഗ്ലെന് മക്ഗ്രാത്ത്(5%), മുത്തയ്യ മുരളീധരന്(3%), ഡെയ്‌ല് സ്‌റ്റെയിന്(1%) എന്നിവരാണ് ആദ്യ പത്തു സ്ഥാനങ്ങളിലെത്തിയ മറ്റു താരങ്ങള്‍.
2000ത്തിനുശേഷമുള്ള 100 മികച്ച ടെസ്റ്റ് ക്രിക്കറ്റര്‍മാരെ തെരഞ്ഞെടുക്കാനായാണ് ക്രിക്കറ്റ് ഓസ്‌ട്രേലിയ വെബ്‌സൈറ്റ് വോട്ടെടുപ്പ് നടത്തിയത്. വോട്ടെടുപ്പിന്റെ തുടക്കത്തില് സച്ചിന് നാലാം സ്ഥാനത്തായിരുന്നു. 24 വര്‍ഷം നീണ്ട കരിയറില്‍ 200 ടെസ്റ്റുകള്‍ കളിച്ചിട്ടുള്ള സച്ചിന് രാജ്യാന്തര ക്രിക്കറ്റില്‍ 100 സെഞ്ചുറികള്‍ സ്വന്തം പേരിലുള്ള ഏക ക്രിക്കറ്ററാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha