ഓര്‍മ്മച്ചിറകില്‍ കലാം. അന്തരിച്ച മുന്‍ രാഷ്ട്രപതി ഡോ. എ.പി.ജെ. അബ്ദുള്‍ കലാമിനു മുന്‍കാല ക്രിക്കറ്റ് താരങ്ങളുടെ അനുശോചനം. സച്ചിന്‍ തെണ്ടുല്‍ക്കര്‍ മുതല്‍ എസ്. ശ്രീശാന്ത് വരെയുള്ളവര്‍ ട്വിറ്ററിലൂടെ അദ്ദേഹത്തെ അനുസ്മരിച്ചു.
ഏവര്‍ക്കും പ്രചോദമേകുന്ന വ്യക്തിത്വം. ഒപ്പം നല്ലൊരു മനുഷ്യസ്‌നേഹിയും, -സച്ചിന്‍ ട്വിറ്ററില്‍ കുറിച്ചത് ഇപ്രകാരമായിരുന്നു. അനേകരുടെ റോള്‍മോഡല്‍, ദീര്‍ഘവീക്ഷണമുള്ള വ്യക്തി -ടെസ്റ്റ് നായകന്‍ വിരാട് കോഹ്‌ലി അനുസ്മരിച്ചു. ഇന്ത്യക്കു ദു:ഖദിനമെന്നായിരുന്നു എസ്. ശ്രീശാന്ത് കുറിച്ചത്. യഥാര്‍ഥ രത്‌നമായിരുന്നു കലാമെന്നും ശ്രീ കൂട്ടിച്ചേര്‍ക്കുന്നു. സ്വപ്നം ഉറക്കത്തില്‍ കാണാനുള്ളതല്ല, ഉറക്കം കെടുത്താനുള്ളതെന്ന കലാമിന്റെ വാക്കുകളാണു സഞ്ജയ് മഞ്ജരേക്കര്‍ കുറിച്ചിരിക്കുന്നത്.