പൊതുമേഖല ബാങ്കുകളുടെ ലയനനീക്കത്തിനെതിരെ ഡിസംബര്‍ 26ന് രാജ്യവ്യാപകമായി ബാങ്ക് യൂണിയനുകള്‍ പണിമുടക്കുന്നു. ബാങ്ക് ഓഫ് ബറോഡയുമായി വിജയ ബാങ്കിനെയും ദേന ബാങ്കിനെയും ലയിപ്പിക്കുന്നതിലാണ് എതിര്‍പ്പ്. ഇവ ലയിപ്പിച്ച് ഒന്നാകുന്നതോടെ രാജ്യത്തെ മൂന്നാമത്തെ വലിയ ബാങ്കായി മാറും. നിലവില്‍ സ്‌റ്റേറ്റ് ബാങ്ക് ഓഫ് ഇന്ത്യയാണ് ഏറ്റവും വലിയ ബാങ്ക്. എച്ച്ഡിഎഫ്‌സി ബാങ്ക് രണ്ടാമത്തേത്. ലയനശേഷമുള്ള ബാങ്കിന്റെ മൊത്തം ബിസിനസ് 14.82 ലക്ഷം കോടി രൂപ ഉണ്ടാകും.