നിലവിലുള്ള എ ടി എം കാര്ഡുകളുടെ ഉപയോഗം ഡിസംബര് 31 വരെ മാത്രം
ജനുവരി ഒന്നു മുതല് നിലവിലുള്ള മാഗ്നറ്റിക് സ്ട്രൈപ് എ ടി എം കാര്ഡുകള്ക്ക് പകരം ചിപ്പുള്ള കാര്ഡുകള് നിലവില് വരുന്നു. എ.ടി.എം. കാര്ഡുകളുടെ സുരക്ഷ മെച്ചപ്പെടുത്തുന്നതിന്റെ ഭാഗമായാണ് മാഗ്നറ്റിക് സ്ട്രൈപ് കാര്ഡുകള് ഉപേക്ഷിക്കുന്നത്. ഡിസംബര് 31നു ശേഷം ഇത്തരം കാര്ഡുകള് പ്രവര്ത്തിക്കില്ല. യൂറോ പേ മാസ്റ്റര്കാര്ഡ് വിസ' (ഇ.എം.വി.) ചിപ്പുള്ള പിന് അധിഷ്ഠിത കാര്ഡുകള് മാത്രമേ ജനുവരി ഒന്നു മുതല് ഉപയോഗിക്കാന് കഴിയു.
നിലവിലുള്ള കാര്ഡുകള്ക്ക് പകരം ചിപ്പുള്ള കാര്ഡുകള് സൗജന്യമായി മാറ്റിക്കൊടുക്കാന് റിസര്ബാങ്ക് ബാങ്കുകളോട് നിര്ദ്ദേശിച്ചിട്ടുണ്ട്. എസ്.ബി.ഐ. ഉള്പ്പെടെയുള്ള ബാങ്കുകള് ഇത്തരം കാര്ഡുകള് മാറ്റിക്കൊടുക്കാന് തുടങ്ങിയിട്ടുണ്ട്. ഇതിനോടകം 60 ശതമാനത്തിലേറെ കാര്ഡുകള് മാറ്റി നല്കിയിട്ടുണ്ട്. രണ്ടാഴ്ചയ്ക്കുള്ളില് ശേഷിച്ച കാര്ഡുകള് മാറ്റിക്കൊടുക്കുക ദുഷ്കരമായിരിക്കും. അതിനാല്, അവസാന തീയതി നീട്ടണമെന്ന് ബാങ്കുകള് റിസര്വ് ബാങ്കിനോട് അഭ്യര്ത്ഥിച്ചേക്കും.
https://www.facebook.com/Malayalivartha
