നാനോ ആപ്പ് വഴി സൗജന്യ എ ടി എം സൗകര്യമൊരുക്കി എസ് ബി ഐ
കാര്‍ഡ് ഉപയോഗിക്കാതെ യോനോ ആപ്പ് വഴി എസ് ബി ഐയുടെ എ ടി എമ്മില്‍ നിന്ന് സര്‍വ്വീസ് ചാര്‍ജ് നല്‍കാതെ സൗജന്യമായി ഇനി പണം പിന്‍വലിക്കാം. കാര്‍ഡ് ഉപയോഗിച്ച് സൗജന്യമായി പണമെടുക്കാന്‍ പ്രതിമാസം നിശ്ചിതതവണയെ കഴിയൂ. എന്നാല്‍ ആപ്പ് ഉപയോഗിച്ച് എത്രതവണവേണമെങ്കിലും സൗജന്യമായി പണം പിന്‍വലിക്കാം. ഒരു ദിവസം ഒരു അക്കൗണ്ടില്‍ നിന്ന് പരമാവധി 20,000 രൂപാവരെ പിന്‍വലിക്കാം. ഒറ്റത്തവണ പരമാവധി പിന്‍വലിക്കാവുന്നത് 10,000 രൂപയുമാണ്. തിരഞ്ഞെടുത്ത എ ടി എമ്മുകളിലാണ് ഈ സൗകര്യമുള്ളത്. യോനോ ആപ്പ് വഴി പണം പിന്‍വലിക്കാവുന്ന നിങ്ങളുടെ ഏറ്റവും അടുത്തുള്ള എ ടി എം കൗണ്ടറുകളും കണ്ടെത്താം.
ഇതിനായി എസ് ബി ഐയുടെ യോനോ ആപ്പോ വെബ്‌സൈറ്റോ ലോഗിന്‍ ചെയ്യുകയാണ് ആദ്യം വേണ്ടത്. തുടര്‍ന്ന് യോനോ ക്യാഷില്‍ ക്ലിക്ക് ചെയ്യുക. എ ടി എം ടാബില്‍ ക്ലിക്ക് ചെയ്ത് ആവശ്യമുള്ള തുക എന്റര്‍ ചെയ്യുക. രജിസ്റ്റര്‍ ചെയ്തിട്ടുള്ള മൊബൈല്‍ നമ്പറില്‍ ട്രാന്‍സാക്ഷന്‍ നമ്പര്‍ ലഭിക്കും. നാലുമണിക്കൂര്‍വരെ ഇതിന് വാലിഡിറ്റി ഉണ്ടായിരിക്കും. നാലുമണിക്കൂര്‍ കഴിഞ്ഞാല്‍ ഈ രീതി പിന്തുടര്‍ന്ന് വീണ്ടും നമ്പര്‍ എടുക്കാം. ഈ നമ്പര്‍ ഉപയോഗിച്ച് പണം പിന്‍വലിക്കാം.
https://www.facebook.com/Malayalivartha
