ട്രഷറികള് ഇനി പുതുതലമുറ ബാങ്കിംഗ് നിലവാരത്തില്
പുതുതലമുറ ബാങ്കിംഗ് നിലവാരത്തില് കേരളത്തിലെ 35 ട്രഷറികളുടെ നിര്മാണം ഇന്കെല് പൂര്ത്തീകരിച്ചു. സംസ്ഥാന സര്ക്കാരിന്റെ ട്രഷറി അടിസ്ഥാന സൗകര്യ വികസന പദ്ധതിയുടെ (ടിഐഡിപി) ഭാഗമായാണ് പൊതുസ്വകാര്യ പങ്കാളിത്തമുള്ള സ്ഥാപനമായ ഇന്കെല് നിര്മാണം പൂര്ത്തിയാക്കിയത്.
ഭിന്നശേഷിയുള്ളവരുള്പ്പെടെ പെന്ഷന് വാങ്ങാനെത്തുന്നവര്ക്ക് മികച്ച സൗകര്യങ്ങള് ഉറപ്പാക്കുകയെന്ന ലക്ഷ്യത്തോടെയാണ് സംസ്ഥാനസക്കാര് ടിഐഡിപി പദ്ധതി നടപ്പിലാക്കുന്നത്. നിലവിലുണ്ടായിരുന്ന 30 ട്രഷറികളില് മികച്ച സൗകര്യങ്ങള് സജ്ജമാക്കുകയും അഞ്ചെണ്ണം പുതുതായി നിര്മിക്കുകയുമാണ് ചെയ്തത്. ട്രഷറികളുടെ പ്രവര്ത്തനം നടക്കുമ്പോള് തന്നെ ജനങ്ങള്ക്ക് തടസമുണ്ടാകാതെയാണ് നിര്മാണജോലികള് പൂര്ത്തീകരിച്ചത്. 15 കോടി രൂപ വകയിരുത്തിയ പദ്ധതി അധിക ചെലവു കൂടാതെ പൂര്ത്തീകരിക്കാനായതായി ഇന്കെല് എംഡി പറഞ്ഞു.
ജനങ്ങള്ക്കിടയില് നടത്തിയ സര്വേയുടെ അടിസ്ഥാനത്തിലാണ് ട്രഷറികള് ആധുനികവല്ക്കരിക്കുന്നതിനുള്ള വിശദമായ രൂപരേഖയും രൂപകല്പനയും ഇന്കെല് തയാറാക്കിയത്. ഭിന്നശേഷിയുള്ളവര്ക്കു ഉപയോഗിക്കാവുന്ന തരത്തിലുള്ള ടോയ്ലറ്റ്, ലിഫ്റ്റ്, ടോക്കണ് സൌകര്യമുള്ള സമാന്തര കൌണ്ടറുകള്, തിരക്കു കുറയ്ക്കുന്നതിനുള്ള റാമ്പുകള് തുടങ്ങിയവയും സജ്ജീകരിച്ചിട്ടുണ്ട്.
ഉന്നത നിലവാരത്തോടെ പുതുക്കിപ്പണിത കെട്ടിടങ്ങളിലാണ് ഈ ട്രഷറികള് പ്രവര്ത്തിക്കുന്നതെന്നും ചീഫ് ടെക്നിക്കല് എക്സാമിനറില് നിന്നു നിര്മാണ പ്രവര്ത്തനങ്ങള് മികച്ചതാണെന്ന അംഗീകാരം ലഭിച്ചതായും എംഡി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha