10,000 കോടി ഡോളര് ആസ്തിയുള്ള ലോകത്തെ അതിസമ്പന്നരുടെ നിരയിലേയ്ക്ക് ഉയര്ന്ന് മുകേഷ് അമ്പാനി
ഏഷ്യയിലെ തന്നെ ഏറ്റവും വലിയ സമ്പന്നനും റിലയന്സ് ഇന്ഡസ്ട്രീസ് ചെയര്മാനുമായ മുകേഷ് അംബാനി 100 ബില്ല്യണ് ഡോളര് ക്ലബ്ബിലേയ്ക്ക്. 10,000 കോടി ഡോളര് ആസ്തിയുള്ള ലോകത്തെ അതിസമ്പന്നരുടെ നിരയിലേയ്ക്കാണ് അംബാനിയും ഉയരുന്നത്. ബ്ലൂംബെര്ഗ് ശതോകോടീശ്വര പട്ടിക പ്രകാരം 9290 കോടി ഡോളറാണ് അദ്ദേഹത്തിന്റെ ആസ്തി. റിലയന്സ് ഇന്ഡസ്ട്രീസ് ഓഹരി മൂല്യം ഉയര്ന്നതാണ് ആസ്തി കുതിക്കാന് കാരണം.
വില കുറഞ്ഞ ഗ്രീന് ഹൈഡ്രജന് കൂടുതലായി ഉത്പാദിപ്പിക്കാന് ഉള്ള കമ്പനിയുടെ നീക്കമാണ് ഓഹരി വില ഉയര്ത്തിയത്. ജിയോയിലൂടെ ടെലികമ്മ്യൂണിക്കേഷന് രംഗത്ത് വിപ്ലവം സൃഷ്ടിച്ച മുകേഷ്, അംബാനി ഫെയ്സ്ബുക്ക് ഉള്പ്പെടെയുള്ള നിക്ഷേപകരുടെ പിന്തുണയോടെ ഈ മേഖല വിപുലീകരിക്കുകയാണ്. ജിയോയുടെ ഫീച്ചര് സ്മാര്ട്ട്ഫോണുകള് ഉടന് വിപണിയില് എത്തും.
ഒപ്പം തന്നെ ഓക്സിജന്, ഹൈഡ്രജന് ഉത്പാദന രംഗത്തും കമ്പനി കരുത്ത് തെളിയിക്കുംറിലയന്സിന്റെ എണ്ണ ശുദ്ധീകരണ ബിസിനസ് ഓഹരികള് സ്വന്തമാക്കാന് സൗദി അരാംകോ എത്തുന്നതോടെ വീണ്ടും ഓഹരി മൂല്യം ഉയര്ന്നേക്കാം. 25,00 കോടി ഡോളര് വരെ വിലമതിക്കുന്ന ഇടപാടുകള് നടന്നേക്കാമെന്നാണ് സൂചന. ലോകത്തെ അതിസമ്പന്നരായ ശതകോടീശ്വരന്മാര്ക്കൊപ്പം മുന്നിരയില് ഉണ്ട് മുകേഷ് അംബാനി.
ലോകത്തെ തന്നെ 12-ാമത്തെ വലിയ സമ്പന്നന് ആണ് അദ്ദേഹം. ലോറിയല് മേധാവി ഫ്രാങ്കോയിസ് ബെറ്റന്കോട്ട് മേയേഴ്സിന്റെ തൊട്ടു പിന്നിലാണ് അദ്ദേഹം. 9290 കോടി ഡോളറാണ് ലോകത്തെ ഏറ്റവും സമ്പന്നയായ ബെറ്റന്കോട്ടിന്റെ ആസ്തി. ഊര്ജ രംഗത്തെ അംബാനിയുടെ പുതിയ പദ്ധതികള് കമ്പനിയുടെ മൂല്യം വീണ്ടും ഉയര്ത്താന് ഇടയുള്ളതിനാല് ആദ്യ പത്ത് സമ്പന്നര്ക്കൊപ്പം അധികം വൈകാതെ തന്നെ മുകേഷ് അംബാനിയും ഇടം പിടിച്ചേക്കും
https://www.facebook.com/Malayalivartha
