എസ്ബിഐ എടിഎം കാര്‍ഡുണ്ടോ, ഉപഭോക്താക്കള്‍ക്ക് ഉത്പന്നങ്ങള്‍ ഇഎംഐയില്‍ വാങ്ങാം; തത്സമയ സേവനത്തിന്റെ വിവരങ്ങള്‍ ഇങ്ങനെ!
എസ്ബിഐ ഉപഭോക്താക്കള്‍ക്ക് ഡെബിറ്റ് കാര്‍ഡ് ഉപയോഗിച്ച് വാങ്ങുന്ന ഒരു ലക്ഷം രൂപ വരെയുള്ള ഉത്പന്നങ്ങളുടെ പണം അടവ് ഇഎംഐ ആക്കി മാറ്റാം. പിഒഎസ് വഴിയും ഓണ്‍ലൈനായും സാധനങ്ങള്‍ വാങ്ങുന്ന ഉപഭോക്താക്കള്‍ക്കാണ് പദ്ധതി ഗുണകരമാകുക. എസ്ബിഐ ഡെബിറ്റ് കാര്‍ഡ് ഉപഭോക്താക്കള്‍ക്ക് എണ്ണായിരം രൂപ മുതല്‍ ഒരു ലക്ഷം രൂപ വരെയുള്ള തുക ഇഎംഐ ആക്കി മാറ്റാനാകും.
രേഖകള്‍ സമര്‍പ്പിക്കുകയോ പ്രോസസിങ് ഫീസ് നല്കുകയോ ചെയ്യാതെ തന്നെ തത്സമയ സേവനങ്ങള്‍ ലഭ്യമാണ്. പിഒഎസ് മെഷീന്‍ ഉപയോഗിക്കുമ്പോള്‍ കാര്‍ഡ് സൈ്വപ് ചെയ്ത ശേഷം ബ്രാന്‍ഡ് ഇഎംഐ, ബാങ്ക് ഇഎംഐ എന്നിവ തെരഞ്ഞെടുത്ത് തുകയും തിരിച്ചടവു കാലാവധിയും രേഖപ്പെടുത്തി ഈ സൗകര്യം പ്രയോജനപ്പെടുത്താം.
ഓണ്‍ലൈനന്‍ ആയി ആണ് സാധനങ്ങള്‍ വാങ്ങുന്നതെങ്കില്‍ ഈസി ഇഎംഐ എന്ന് ഓപ്ഷന്‍ തെരഞ്ഞെടുക്കാം. നിലവില്‍ 14.70 ശതമാനമാണ് പലിശ. ആറു മാസം മുതല്‍ 18 മാസം വരെയുള്ള തിരിച്ചടവു കാലാവധികളില്‍ നിന്ന് ആവശ്യമുള്ളത് തെരഞ്ഞെടുക്കാം. എസ്ബിഐ ഡെബിറ്റ് കാര്‍ഡ് ഉളള അര്‍ഹരായ ഉപഭോക്താക്കള്‍ക്കാണ് ഈ സൗകര്യം ലഭിക്കുക.
567676 എന്ന നമ്പറിലേക്ക് ഡിസിഇഎംഐ എന്ന് എസ്എംഎസ് അയച്ച് ഇഎംഐ ആയി തുക നല്‍കാന്‍ ആകുമോ എന്ന് പരിശോധിക്കാം. അര്‍ഹരായ ഉപഭോക്താക്കള്‍ ഇത് അനുസരിച്ച് ഏത് സമയവും പണം ഇടപാടുകള്‍ നടത്താം. അര്‍ഹരായ ഉപഭോക്താക്കള്‍ക്ക് മാത്രമാണ് ഉയര്‍ന്ന പലിശ നിരക്കോടെയുള്ള ഈ ലോണ്‍. ആപ്പുകളിലൂടെയോ മറ്റോ ഒന്നുമല്ല ലോണ്‍. ഡെബിറ്റ് കാര്‍ഡ് ഉപയോക്താക്കള്‍ക്ക് നേരിട്ടാണ് ലോണ്‍ ലഭിക്കുക. ആവശ്യമെങ്കില്‍ മാത്രം പ്രയോജനപ്പെടുത്താം. തിരിച്ചടവ് മുടങ്ങുന്നത് ക്രെഡിറ്റ് സ്‌കോറിനെയും ബാധിച്ചേക്കും.
https://www.facebook.com/Malayalivartha
