റിസര്‍വ് ബാങ്ക് നിരക്കില്‍ മാറ്റമില്ല.... റിപ്പോ നിരക്ക് 6.50 ശതമാനത്തില്‍ തുടരും. വിപണിയിലെ പണലഭ്യത നിയന്ത്രിക്കുന്നതിനുള്ള മാര്‍ജിനല്‍ സ്റ്റാന്‍ഡിങ് ഫെസിലിറ്റിയും മാറ്റംവരുത്താതെ 6.75 ശതമാനത്തില്‍ തന്നെ നിലനിര്‍ത്തുകയും ചെയ്തു.

ഓഗസ്റ്റ് 8 ന് ആരംഭിച്ച, മൂന്നു ദിവസം നീണ്ടുനിന്ന യോഗത്തിന്റെ തീരുമാനം റിസര്‍വ് ബാങ്ക് ഗവര്‍ണര്‍ ശക്തികാന്ത ദാസ് ആണ് വാര്‍ത്താ സമ്മേളനത്തില്‍ അറിയിച്ചത്. സാഹചര്യം വിലയിരുത്തി ആവശ്യമെങ്കില്‍ നടപടിയെടുക്കാനുള്ള തയ്യാറെടുപ്പായാണ് വര്‍ധന താല്‍ക്കാലികമായി നിര്‍ത്തിവെച്ചിട്ടുള്ളതെന്നും അദ്ദേഹം പറഞ്ഞു.

കഴിഞ്ഞ രണ്ട് പണനയ യോഗങ്ങളിലും നിരക്ക് വര്‍ധന പ്രഖ്യാപിച്ചിരുന്നില്ല. 2022 മെയ്ക്കുശേഷം 2.50 ശതമാനമായിരുന്നു റിപ്പോ നിരക്ക് കൂട്ടിയത്.
ധാന്യങ്ങള്‍, പച്ചക്കറികള്‍, പയറുവര്‍ഗങ്ങള്‍ എന്നീ അവശ്യസാധനങ്ങളുടെ വിലയില്‍ ഗണ്യമായ വര്‍ധനവാണ് ഈയിടെ ഉണ്ടായിട്ടുള്ളത്.