വായ്പ പൂര്ണമായി തിരിച്ചടച്ച് കഴിഞ്ഞാല് ഉടന് തന്നെ ലോണ് എടുത്തയാള്ക്ക് ആധാരം മടക്കി നല്കാന് ബാങ്കുകള് നടപടി സ്വീകരിക്കണമെന്ന് റിസര്വ് ബാങ്ക്
വായ്പ പൂര്ണമായി തിരിച്ചടച്ച് കഴിഞ്ഞാല് ഉടന് തന്നെ ലോണ് എടുത്തയാള്ക്ക് ആധാരം മടക്കി നല്കാന് ബാങ്കുകള് നടപടി സ്വീകരിക്കണമെന്ന് റിസര്വ് ബാങ്ക്.
ബാങ്ക് ഉപഭോക്താക്കളുടെ താത്പര്യം സംരക്ഷിക്കുന്നതിന്റെ ഭാഗമായാണ് റിസര്വ് ബാങ്ക് നടപടി. വായ്പ പൂര്ണമായി തിരിച്ചടച്ച് കഴിഞ്ഞാല് 30 ദിവസത്തിനകം, ലോണ് ലഭിക്കാനായി ഈടായി നല്കിയ ആധാരം മടക്കി നല്കണമെന്നതാണ് റിസര്വ് ബാങ്കിന്റെ നിര്ദേശം.
ഇതില് വീഴ്ച സംഭവിച്ചാല് പിന്നീടുള്ള ഓരോ ദിവസവും 5000 രൂപ വീതം വായ്പ വാങ്ങിയയാള്ക്ക് ബാങ്കുകള് അടക്കമുള്ള ധനകാര്യസ്ഥാപനങ്ങള് പിഴയായി നല്കണമെന്നും നിര്ദേശത്തില് പറയുന്നു. ഡിസംബര് ഒന്നുമുതല് ഇത് പ്രാബല്യത്തില് വരുന്നതാണ്.
അതേസമയം വായ്പ എടുത്തയാള് ് യാദൃച്ഛികമായി മരണപ്പെടുകയാണെങ്കില് അവരുടെ അനന്തരവകാശികള്ക്ക് യാതൊരുവിധ ബുദ്ധിമുട്ടും സൃഷ്ടിക്കാതെ വിധം നടപടികള് ലഘൂകരിക്കുന്നതിന്റെ ഭാഗമായാണ് കേന്ദ്ര ബാങ്കിന്റെ തീരുമാനം. അനന്തരവകാശികള്ക്ക് ആധാരം മടക്കി നല്കുന്നതിന് കൃത്യമായ നടപടിക്രമത്തിന് രൂപം നല്കണമെന്നും റിസര്വ് ബാങ്ക് നിര്ദേശിക്കുന്നു. ഈ നടപടിക്രമം ബാങ്കുകള് വെബ്സൈറ്റില് കൊടുക്കുകയും വേണം.
"
https://www.facebook.com/Malayalivartha
