ലഘുസമ്പാദ്യ പദ്ധതികളുടെ പലിശനിരക്കില്‍ മാറ്റമില്ല. ഏപ്രില്‍ ഒന്നുമുതല്‍ ജൂണ്‍ 30 വരെ ലഘുസമ്പാദ്യ പദ്ധതികളുടെ പലിശനിരക്ക് മാറ്റമില്ലാതെ തുടരുമെന്ന് കേന്ദ്രസര്‍ക്കാര്‍ അറിയിച്ചു.മാര്‍ച്ച് 31 വരെയുള്ള പലിശനിരക്ക് തന്നെയായിരിക്കും അടുത്ത മൂന്ന് മാസങ്ങളിലും.

സേവിങ്സ് ഡെപ്പോസിറ്റ് നാലുശതമാനം, ടേം ഡെപ്പോസിറ്റ് (ഒരു വര്‍ഷം) 6.9 ശതമാനം, ടേം ഡെപ്പോസിറ്റ് (രണ്ടുവര്‍ഷം) ഏഴുശതമാനം, ടേം ഡെപ്പോസിറ്റ് (മൂന്ന് വര്‍ഷം) 7.1 ശതമാനം, ടേം ഡെപ്പോസിറ്റ് (അഞ്ചുവര്‍ഷം) 7.5 ശതമാനം, അഞ്ചുവര്‍ഷം റിക്കറിങ് ഡെപ്പോസിറ്റ് 6.7 ശതമാനം, പബ്ലിക് പ്രോവിഡന്റ് ഫണ്ട് 7.1 ശതമാനം, മുതിര്‍ന്ന പൗരന്മാര്‍ക്കുള്ള നിക്ഷേപ പദ്ധതി 8.2 ശതമാനം, പ്രതിമാസ വരുമാന പദ്ധതി 7.4 ശതമാനം, നാഷണല്‍ സേവിങ്സ് സര്‍ട്ടിഫിക്കറ്റ് 7.7 ശതമാനം, കിസാന്‍ വികാസ് പത്ര 7.5 ശതമാനം (115 മാസം), സുകന്യ സമൃദ്ധി പദ്ധതി 8.2 ശതമാനവുമാണ്,.