റിസര്വ് ബാങ്ക് പണവായ്പ നയം പ്രഖ്യാപിച്ചു... മുഖ്യ പലിശനിരക്കില് മാറ്റമില്ല
റിസര്വ് ബാങ്ക് പണവായ്പ നയം പ്രഖ്യാപിച്ചു... മുഖ്യ പലിശനിരക്കില് മാറ്റമില്ല തുടര്ച്ചയായി പത്താം തവണയും ബാങ്കുകള്ക്ക് റിസര്വ് ബാങ്ക് നല്കുന്ന വായ്പയ്ക്ക് ഈടാക്കുന്ന പലിശനിരക്കായ റിപ്പോനിരക്ക് 6.5 ശതമാനമായി തുടരാന് മോണിറ്ററി പോളിസി കമ്മിറ്റി തീരുമാനിച്ചതായി റിസര്വ് ബാങ്ക് ഗവര്ണര് ശക്തികാന്ത ദാസ്.
സ്റ്റാന്ഡിംഗ് ഡെപ്പോസിറ്റ് ഫെസിലിറ്റി (എസ്ഡിഎഫ്) നിരക്ക് 6.25%, മാര്ജിനല് സ്റ്റാന്ഡിംഗ് ഫെസിലിറ്റി (എംഎസ്എഫ്), ബാങ്ക് നിരക്ക് എന്നിവ 6.75% ആയി തുടരാനും തീരുമാനമായി. പണപ്പെരുപ്പം നിയന്ത്രിക്കുന്നതിനൊപ്പം വളര്ച്ചയെ പ്രോത്സാഹിപ്പിക്കാനായി കൂടി ന്യൂട്രല് നിലപാട് സ്വീകരിക്കാന് മോണിറ്ററി പോളിസി കമ്മിറ്റി തീരുമാനിച്ചതായും ശക്തികാന്ത ദാസ് .
നാണയപ്പെരുപ്പം രണ്ടക്കത്തിന് അടുത്തേക്ക് ഉയര്ന്നതോടെ വിലക്കയറ്റം നിയന്ത്രിക്കുന്നതിനായി റിസര്വ് ബാങ്ക് കോവിഡ് കാലത്തിന് ശേഷം ആറ് തവണയായി റിപ്പോ നിരക്കില് 2.5 ശതമാനം വര്ദ്ധനയാണ് വരുത്തിയത്.
2023 ഫെബ്രുവരി മാസത്തിന് ശേഷം റിസര്വ് ബാങ്ക് മുഖ്യ പലിശ നിരക്കായ റിപ്പോ 6.5 ശതമാനമായി നിലനിര്ത്തി.
https://www.facebook.com/Malayalivartha
