ഡെപ്യൂട്ടി ഗവര്‍ണര്‍ സ്ഥാനത്തേക്ക് അപേക്ഷ ക്ഷണിച്ച് റിസര്‍വ് ബാങ്ക്. നിലവിലെ ഡെപ്യൂട്ടി ഗവര്‍ണര്‍ മൈക്കിള്‍ പാത്ര സ്ഥാനമൊഴിയുന്ന ഒഴിവിലേക്കാണ് അപേക്ഷ ക്ഷണിച്ചത്.

നിലവിലെ ഗവര്‍ണറുടെ കാലാവധി ജനുവരിയിലാണ് അവസാനിക്കുക. മൂന്ന് വര്‍ഷത്തേക്കാണ് ഗവര്‍ണറുടെ നിയമനം. പുനര്‍നിയമനത്തിന് അര്‍ഹതയുണ്ടാകും. മാനദണ്ഡ പ്രകാരമുള്ള മേഖലകളില്‍ 25 വര്‍ഷത്തെ സേവന പരിചയമാണ് പ്രധാന യോഗ്യതയായുള്ളത്.

2.25 ലക്ഷം രൂപയാണ് പ്രതിമാസ ശമ്പളം. പ്രായപരിധി-60 വയസ്സ്. ഈ മാസം 30നകം അപേക്ഷിക്കണമെന്നും ആര്‍ബിഐ . നാല് ഡെപ്യൂട്ടി ഗവര്‍ണര്‍മാരാണ് ആര്‍ബിഐക്കുണ്ടാകുക. ഇതില്‍ രണ്ട് പേര്‍ ആര്‍ബിഐയില്‍ നിന്നുതന്നെ സ്ഥാനക്കയറ്റം നേടി വരുന്നവരാണ്. സാമ്പത്തിക വിദഗ്ധരെയോ ബാങ്കര്‍മാരെയോ മറ്റ് രണ്ട് ഒഴിവിലേക്ക് പരിഗണിക്കുകയും ചെയ്യും.