ഡോളറിനെതിരെ രൂപയുടെ മൂല്യം റെക്കോഡ് തകര്‍ച്ചയില്‍. വ്യാഴാഴ്ച 95ലേക്ക് എത്തിയതോടെയാണ് രൂപ റെക്കോഡ് തകര്‍ച്ചയിലേക്ക് വീണത്. ക്രൂഡോയില്‍ വില ഉയരുന്നതും ഇറാന്‍-യുഎസ് യുദ്ധവുമാണ് രൂപയുടെ മൂല്യം ഇടിയാനുള്ള പ്രധാന കാരണം.

യുഎസ് ഡോളറിനെതിരെ 95.01 രൂപയിലാണ് ഇന്ന് രൂപ വ്യാപാരം തുടങ്ങിയത്. പിന്നീട് വ്യാപാരത്തിനിടെ ഏറ്റവും മോശം അവസ്ഥയായ 95.20ത്തിലേക്ക് രൂപ വീണു. 32 പൈസയുടെ നഷ്ടത്തോടെയാണ് വിപണിയില്‍ രൂപയുടെ വ്യാപാരം പുരോഗമിക്കുന്നത്. നിലവിലെ അവസ്ഥയില്‍ ഡോളറിനെ സുരക്ഷിതനിക്ഷേപമായി കാണുന്നതാണ് രൂപയുടെ വിലയിടുക്കുന്ന പ്രധാനഘടകം.

യു.എസ് ഫെഡറല്‍ റിസര്‍വ് വായ്പ നയത്തില്‍ സ്വീകരിച്ച ഉദാരനയവും രൂപയുടെ തിരിച്ചടിക്കുള്ള ആക്കംവർദ്ധിപ്പിച്ചു. പലിശനിരക്കുകളില്‍ മാറ്റം വരുത്തേണ്ടെന്നായിരുന്നു ഫെഡറല്‍ റിസര്‍വ് തീരുമാനം.