രൂപയുടെ മൂല്യത്തില്‍ വീണ്ടും വന്‍ ഇടിവ്. ചരിത്രത്തിലെ ഏറ്റവും കുറഞ്ഞ മൂല്യത്തിലാണ്​ രൂപയുടെ വ്യാപാരം ഇന്ന്​ ആരംഭിച്ചിത്​. അമേരിക്കന്‍ ഡോളറിന് 72.36 രൂപയായാണ് ഇന്ന് മൂല്യം ഇടിഞ്ഞത്. അതായത് ഇന്നു ഒരു ഡോളർ കൊടുത്താൽ 72 രൂപ 23 പൈസ കിട്ടും എന്നാൽ ഇന്നലെ ഒരു ഡോളറിനു 71 .69 പൈസയെ ലഭിക്കുമായിരുന്നുള്ളൂ.. അതായത് ഒരുദിവസം കൊണ്ട് രൂപയുടെ മൂല്യം 67 പൈസ ഇടിഞ്ഞിരുന്നു..

വെള്ളിയാഴ്ച വിപണി അടച്ചതിനുശേഷം അടുത്ത മൂന്നു ദിവസങ്ങളിൽ അവധി ആയിരുന്നു... അതിനുശേഷം ഇന്ന് വിപണി തുറന്നപ്പോഴാണ് ഇത്രയും ഭയാനകമായ ഇടിവ് രൂപയുടെ മൂല്യത്തിൽ കണ്ടത്

ഇതോടെ രാജ്യത്തിന്റെ ഇറക്കുമതി ചെലവുകളില്‍ വന്‍ വര്‍ധനയുണ്ടാകും. ഇത് വിലക്കയറ്റത്തിനും കാരണമായേക്കും. കഴിഞ്ഞ കുറച്ചുകാലമായി തുടരുന്ന മുല്യശോഷണമാണ് ഇന്ന് രൂക്ഷമായത്. ഇന്ത്യന്‍ സമ്പദ് വ്യവസ്ഥയുടെ മോശം അവസ്ഥയെക്കുറിച്ചുള്ള റിപ്പോര്‍ട്ടുകള്‍ പുറത്തുവന്നുതുടങ്ങി ...

രൂപയുടെ മൂല്യതകര്‍ച്ച രൂക്ഷമാകുന്നു എന്ന വാർത്ത ഇന്ത്യൻ സമ്പദ് വ്യവസ്ഥയെ പ്രതികൂലമായി ബാധിക്കും .ഇത് പക്ഷെ പ്രവാസികൾക്ക് നല്ലതാണ് ..നാട്ടിലേക്ക് പണം അയക്കുന്നവർക്ക് കൂടുതൽ പണം നാട്ടിൽ കിട്ടുന്നതിന് ഇത് സഹായിക്കും.. പക്ഷെ ബാക്കി എല്ലാ രംഗങ്ങളിലും രൂപയുടെ മൂല്യത്തകർച്ച പ്രതികൂലമായി ബാധിക്കും.

കഴിഞ്ഞദിവസം ജിഡിപി വളര്‍ച്ച ആറ് വര്‍ഷത്തെ ഏറ്റവും കുറഞ്ഞ നിരക്കായ അഞ്ച് ശതമാനമായിരുന്നു. രാജ്യത്തെ ഫാക്ടറി ഉത്പാദനം 15 മാസത്തെ ഏറ്റവും കുറഞ്ഞ നിരക്കിലാണെന്ന റിപ്പോര്‍ട്ടും പുറത്തുവന്നിരുന്നു.

ഇന്ത്യയുടെ സാമ്പത്തിക മേഖലയില്‍ വളര്‍ച്ച പ്രശ്‌നം ഉണ്ടെന്നതിന്റെ സൂചന നല്‍കി നിരവധി റിപ്പോര്‍ട്ടുകള്‍ നേരത്തെയും പുറത്തുവന്നിരുന്നുവെങ്കിലും ആഭ്യന്തര ഉത്പാദനത്തിലുണ്ടായ കനത്ത തളര്‍ച്ചയാണ് രൂപയുടെ മൂല്യം ഇടിയുന്നതിന് ആക്കം കൂട്ടിയതെന്നാണ് ധനകാര്യ മേഖലയില്‍ പ്രവര്‍ത്തിക്കുന്നവര്‍ പറയുന്നത്. ഇതിന് പുറമെ ഡോളര്‍ കരുത്താര്‍ജ്ജിച്ചതും രൂപയുടെ മുല്യം താഴുന്നതിന് കാരണമായി

ഡോളറിനെ അപേക്ഷിച്ച് രൂപയുടെ വിലയില്‍ ഈ വര്‍ഷം മാത്രം 3.5 ശതമാനത്തിന്റെ മൂല്യശോഷണമാണ് ഉണ്ടായത്. ആറ് വര്‍ഷത്തിനിടെയുണ്ടായ ഏറ്റവും വലിയ വില തകര്‍ച്ചയാണ് ഡോളറിനെ അപേക്ഷിച്ച് രൂപയ്ക്ക് ആഗസ്റ്റ് മാസം ഉണ്ടായത്. ഇങ്ങനെ രൂപയുടെ വിലയിലുണ്ടാകുന്ന ഇടിവ് ഇന്ത്യയുടെ ഇറക്കുമതി രംഗത്തെയാണ് ഏറ്റവും ബാധിക്കുക. പ്രത്യേകിച്ചും ക്രൂഡ് ഓയില്‍ പോലുളള അസംസ്‌കൃത വസ്തുക്കള്‍ ഇറക്കുമതി ചെയ്യാനുള്ള ചെലവ് ഇതോടെ വര്‍ധിക്കും. ഇത് ഇന്ത്യയുടെ കരുതല്‍ ധന ശേഖരത്തെയും പ്രതികൂലമായി ബാധിക്കും.

വിലക്കയറ്റം ഉണ്ടാകുന്നതോടൊപ്പം വിലക്കയറ്റത്തിനുള്ള സാധ്യത മുന്നിൽകണ്ട്​ വായ്​പപലിശനിരക്കുകൾ ആർ.ബി ഐ ഉയർത്താനുള്ള സാധ്യതയും ഉണ്ട്. രൂപയുടെ ഇടിവ് തുടരുകയാണെങ്കില്‍ റിസര്‍വ് ബാങ്ക് എന്ത് ചെയ്യുന്നുവെന്നതാണ് ഏറെ പ്രധാനപ്പെട്ട കാര്യം. വിപണിയില്‍ കൂടുതല്‍ വിദേശ കറന്‍സി എത്തുന്നതിനുള്ള നടപടികളാണ് റിസര്‍വ് ബാങ്കില്‍നിന്ന് ഇത്തരം ഘട്ടങ്ങളില്‍ സാധാരണ ഉണ്ടാകാറുള്ളത്.

അമേരിക്കയിലെ കേന്ദ്ര ബാങ്കായ ഫെഡറല്‍ റിസര്‍വ് പലിശ നിരക്കില്‍ വീണ്ടും കുറവു വരുത്തുമെന്ന് സൂചനയുണ്ട്. അങ്ങനെയെങ്കില്‍ വീണ്ടും രൂപയുടെ മൂല്യം കുറഞ്ഞേക്കും . പത്തുവര്‍ഷത്തിനിടെ ഈയിടെയാണ് അമേരിക്കന്‍ ഫെഡറല്‍ റിസര്‍വ് പലിശ നിരക്കില്‍ നേരിയ കുറവ് വരുത്തിയത്.

രൂപയുടെ വിലയിടിയുന്നതിന്റെ ഭാഗമായി ഓഹരി വിപണികളിലും മറ്റും നിക്ഷേപം നടത്തുന്ന വിദേശ നിക്ഷേപകര്‍ പിന്‍വാങ്ങി കൂടുതല്‍ സുരക്ഷിതമായ കറന്‍സിയിലേക്ക് നിക്ഷേപം മാറ്റുകയും ചെയ്യും. ഓഹരി വിപണികളിലുണ്ടാകുന്ന നഷ്ടത്തിന് കാരണം ഇതുകൂടിയാണ്.

2.28 ബില്ല്യണ്‍ ഡോളറാണ് ഇത്തരത്തില്‍ ഇന്ത്യന്‍ വിപണികളില്‍നിന്ന് പിന്‍വലിക്കപ്പെട്ടത്. രൂപയുടെ വിലക്കയറ്റത്തിലുടെയുണ്ടാകുന്ന നാണയപ്പെരുപ്പം വീണ്ടും ആഭ്യന്തര ഉത്പാദനത്തെയും ബാധിക്കുകയാണെങ്കില്‍ അത് കൂടുതല്‍ ഗുരുതരമായ സാമ്പത്തിക പ്രശ്‌നത്തിലേക്ക് രാജ്യത്തെ നയിച്ചേക്കും. 2018 ല്‍ മാത്രം രൂപയുടെ മൂല്യത്തില്‍ 18 ശതമാനത്തിന്റെ ഇടിവാണുണ്ടായത്. ഇപ്പോൾ ഏഷ്യയിലെ ഏറ്റവും മൂല്യ തകര്‍ച്ച നേരിടുന്ന കറന്‍സികളിലൊന്നായി മാറി നമ്മുടെ രൂപ.