ഗവണ്‍മെന്റ് എയ്ഡഡ് സ്വാശ്രയ ബിഎഡ് ഡിഗ്രി കോഴ്സുകളിലേക്ക് അപേക്ഷ സമര്‍പ്പിച്ചവരുടെ ഇന്‍ഡക്സ് മാര്‍ക്ക് പ്രസിദ്ധീകരിച്ചു. അപേക്ഷകര്‍ക്ക് കോളേജ് കോഴ്സ് ഓപ്ഷനുകള്‍ www.lbscentre.in എന്ന വെബ്സൈറ്റില്‍ 12ന് വൈകിട്ട് അഞ്ചുവരെ രജിസ്റ്റര്‍ചെയ്യാം. അലോട്ട്മെന്റിന് പരിഗണിച്ചിട്ടുള്ള കോളേജ് കോഴ്സ് വിവരങ്ങള്‍ വെബ്സൈറ്റില്‍ പ്രസിദ്ധീകരിച്ചിട്ടുണ്ട്.

ഓപ്ഷന്‍ രജിസ്റ്റര്‍ചെയ്യുന്നതിനുമുമ്പായി കോഴ്സുകളെക്കുറിച്ചും കോളേജുകളെക്കുറിച്ചും വ്യക്തമായ ധാരണ ഉണ്ടാവണം. അലോട്ട്മെന്റ് ലഭിക്കുകയാണെങ്കില്‍ പ്രവേശനം നേടാന്‍ താല്‍പ്പര്യമുള്ള കോളേജുകളിലേക്കും കോഴ്സുകളിലേക്കും മാത്രമേ ഓപ്ഷന്‍ നല്‍കാവൂ .