ഡിഫൻസ് റിസർച് ആൻഡ് ഡവലപ്‌മെന്റ് ഓർഗനൈസേഷനു (ഡിആർഡിഒ) കീഴിലുള്ള കൊച്ചി നേവൽ ഫിസിക്കൽ ആൻഡ് ഓഷ്യാനോഗ്രഫിക് ലബോറട്ടറി (എൻപിഒഎൽ) ട്രേഡ് അപ്രന്റിസ്ഷിപ്പിന് അപേക്ഷ ക്ഷണിച്ചു. മാർച്ച്  6 വരെ അപേക്ഷിക്കാം.
 ഫിറ്റർ, ടർണർ, മെഷീനിസ്റ്റ്, ഡ്രാഫ്റ്റ്സ്മാൻ (മെക്കാനിക്കൽ), ടൂൾ ആൻഡ് ഡൈ മെയ്ക്കർ (ഡൈ ആൻഡ് മോൾഡ്), ഇൻജക്‌ഷൻ മോൾഡിങ് മെഷീൻ ഓപ്പറേറ്റർ, വെൽഡർ (ഗ്യാസ് ആൻഡ് ഇലക്ട്രിക്),  ഇലക്ട്രോണിക് മെക്കാനിക്,  ഇലക്ട്രീഷ്യൻ, സിഒപിഎ, സെക്രട്ടേറിയൽ അസിസ്റ്റന്റ്, ഫ്രണ്ട് ഓഫിസ് അസിസ്റ്റന്റ് ട്രേഡുകളിലായി 41 ഒഴിവുകളുണ്ട്.  
  ഫ്രണ്ട് ഓഫിസ് അസിസ്റ്റന്റ്  ഒഴികെയുള്ള തസ്തികകളിൽ ബന്ധപ്പെട്ട ട്രേഡിലുള്ള ഐടിഐയാണ് യോഗ്യത. മാർച്ച് 11 നും 12 നും ഇന്റർവ്യൂ നടത്തും.  
 അപേക്ഷ പിഡിഎഫ് ഫോർമാറ്റിൽ trainingofficer@npol.drdo.in എന്ന ഇ– മെയിൽ ഐഡിയിലേക്ക് അയയ്ക്കണം. www.apprenticeship.gov.in
അടുത്തതായി  രാജാ രാമണ്ണ സെന്ററിൽ 70 അപ്രന്റിസ് ഒഴിവുകളെ കുറിച്ചുള്ള വിവരങ്ങൾ  
ആണവോർജ വകുപ്പിനു കീഴിലുള്ള മധ്യപ്രദേശിലെ രാജാ രാമണ്ണ സെന്റർ ഫോര്‍ അഡ്വാൻസ്ഡ് ടെക്നോളജിയിൽ 70ട്രേഡ് അപ്രന്റിസ് ഒഴിവ്. ഒരു വർഷമാണു പരിശീലനം.  
 ഫിറ്റർ, മെഷിനിസ്റ്റ്, ടർണർ, ഡ്രാഫ്റ്റ്സ്മാൻ (മെക്കാനിക്കൽ), ഡ്രാഫ്റ്റ്സ്മാൻ (സിവിൽ), വെൽഡർ (ഗ്യാസ് ആൻഡ് ഇലക്ട്രിക്), മെക്കാനിക് റഫ്രിജറേഷൻ ആൻഡ് എയർ കണ്ടീഷനിങ്, സർവേയർ, പ്ലംബർ, കാർപെന്റർ, മേസൺ, ഇലക്ട്രോണിക്സ് മെക്കാനിക്/ ഇൻസ്ട്രുമെന്റ് മെക്കാനിക്/ മെക്കാനിക് ഇൻഡസ്ട്രിയൽ ഇലക്ട്രോണിക്സ്/ മെക്കാനിക് പവർ ഇലക്ട്രോണിക്സ്, ഇലക്ട്രീഷ്യൻ, ഇലക്ട്രോപ്ലേറ്റർ, കംപ്യൂട്ടർ ഒാപ്പറേറ്റർ ആൻഡ് പ്രോഗ്രാമിങ് അസിസ്റ്റന്റ്, ഫുഡ് പ്രൊഡക്ഷൻ (വെജിറ്റേറിയൻ) എന്നീ ട്രേഡുകളിലാണ് ഒഴിവ്.  

 2018 ലോ അതിനു ശേഷമോ ബന്ധപ്പെട്ട ട്രേഡിൽ ഐടിഐ പാസായവർക്കാണ് അവസരം. ഫെബ്രുവരി 28 വരെ ഓൺലൈനായി അപേക്ഷിക്കാം. www.rrcat.gov.in