ഒാൾ ഇന്ത്യാ ഇൻസ്റ്റിറ്റ്യൂട്ട് ഒാഫ് മെഡിക്കൽ സയൻസസ് അസിസ്റ്റന്റ് നഴ്സിങ് സൂപ്രണ്ട്, സ്റ്റാഫ് നഴ്സ് ഗ്രേഡ് രണ്ട് തസ്തികകളിലെ ഒഴിവുകളിലേക്ക് അപേക്ഷ ക്ഷണിച്ചു. 1154 ഒഴിവുകളുണ്ട്. ഒാൺലൈനായി വേണം അപേക്ഷിക്കാൻ. അവസാന തീയതി ജൂലൈ 31 ആണ്. ഒഴിവുകളുടെ വിശദ വിവരങ്ങൾ ചുവടെ ചേർക്കുന്നു.

അസിസ്റ്റന്റ് നഴ്സിങ് സൂപ്രണ്ട്(ഗ്രൂപ്പ് എ):

ബിഎസ്‌സി നഴ്സിങ്(നാലു വർഷത്തെ കോഴ്സ്)/ബിഎസ്‌സി (പോസ്റ്റ് സർട്ടിഫിക്കറ്റ്)/തത്തുല്യം(ബിഎസ്‌സി നഴ്സിങ് (പോസ്റ്റ് ബേസിക്, രണ്ടു വർഷത്തെ കോഴ്സ്), ഇന്ത്യൻ നഴ്സിങ് കൗൺസിൽ/സ്റ്റേറ്റ് നഴ്സിങ് കൗൺസിൽ റജിസ്ട്രേഷൻ, ആറു വർഷത്തെ പ്രവൃത്തിപരിചയം, 21–35 വയസ്.

സ്റ്റാഫ് നഴ്സ് ഗ്രേഡ് രണ്ട് (സിസ്റ്റർ ഗ്രേഡ് രണ്ട്)(ഗ്രൂപ്പ് ബി):

1. ബിഎസ്‌സി(നഴ്സിങ്)(നാലു വർഷത്തെ കോഴ്സ്)അല്ലെങ്കിൽ ബിഎസ്‌സി(പോസ്റ്റ് സർട്ടിഫിക്കറ്റ്)/തത്തുല്യം (ബിഎസ്‌സി നഴ്സിങ്(പോസ്റ്റ്–ബേസിക്, രണ്ടു വർഷത്തെ കോഴ്സ്). 2. ഇന്ത്യൻ നഴ്സിങ് കൗൺസിൽ/സ്റ്റേറ്റ് നഴ്സിങ് കൗൺസിൽ റജിസ്ട്രേഷൻ. 21–30 വയസ്.

അധ്യാപകർ

വിവിധ വകുപ്പുകളിൽ പ്രഫസർ, അഡീഷനൽ പ്രഫസർ, അസോഷ്യേറ്റ് പ്രഫസർ, അസിസ്റ്റന്റ് പ്രഫസർ, ട്യൂട്ടർ/ക്ലിനിക്കൽ ഇൻസ്ട്രക്ടർ തസ്‌തികകളിലായി 196 ഒഴിവുകളിലേക്കും അപേക്ഷ ക്ഷണിച്ചിട്ടുണ്ട്. റഗുലർ/കരാർ/ഡപ്യൂട്ടേഷൻ നിയമനമാണ്. ഒാൺലൈനായി അപേക്ഷിക്കണം. അവസാന തീയതി: ജൂലൈ 31.‌വിശദവിവരങ്ങൾക്ക് www.aiimsrishikesh.edu.in. എന്ന വെബ്സൈറ്റ് സന്ദർശിക്കുക.