ഇന്ത്യന്‍ നേവിയില്‍ പൈലറ്റാകാൻ അവിവാഹിതരായ പുരുഷന്‍മാര്‍ക്കും വനിതകള്‍ക്കും അവസരം. പൈലറ്റ്/ഒബ്‌സര്‍വര്‍/എയര്‍ട്രാഫിക് കണ്‍ട്രോളര്‍ എന്നീ തസ്തികകളിലാണ് അവസരം. തിരഞ്ഞെടുക്കപ്പെടുന്നവര്‍ക്കുള്ള പരിശീലനം 2018 ജൂലായില്‍ കണ്ണൂരിലെ ഏഴിമല നാവിക അക്കാദമിയില്‍ ആരംഭിക്കും. പരിശീലനം വിജയകരമായി പൂര്‍ത്തിയാക്കിയാല്‍ സബ്-ലഫ്റ്റനന്റ് പദവിയില്‍ നിയമനം ലഭിക്കും.
60 ശതമാനം മാര്‍ക്കില്‍ കുറയാതെയുള്ള ബി.ഇ./ ബി.ടെക് ബിരുദം ഉണ്ടാവണം. എയര്‍ ട്രാഫിക് കണ്‍ട്രോളര്‍ തസ്തികയിലേക്ക് അപേക്ഷിക്കുന്നവര്‍ക്ക്പത്താംക്ലാസ്, പ്ലസ്ടു പരീക്ഷകളില്‍ 60 ശതമാനം മാര്‍ക്ക് ഉണ്ടായിരിക്കണം. പ്ലസ്ടു തലത്തില്‍ മാത്തമാറ്റിക്‌സ്, ഫിസിക്‌സ് വിഷയങ്ങള്‍ പഠിച്ചിരിക്കണം.
സി.പി.എല്‍. വിഭാഗത്തിന് നിര്‍ദിഷ്ടയോഗ്യതയ്ക്ക് പുറമേ വ്യോമയാനമന്ത്രാലയം നല്‍കുന്ന സി.പി.എല്‍. യോഗ്യതയും വേണം.
എന്‍ജിനീയറിങ് അവസാനവര്‍ഷക്കാര്‍ക്കും അപേക്ഷിക്കാം.
സര്‍വീസ് സെലക്ഷന്‍ ബോര്‍ഡ് (എസ്.എസ്.ബി.) നടത്തുന്ന തിരഞ്ഞെടുപ്പില്‍ ഒരുദിവസം നീളുന്ന ആദ്യഘട്ടവും നാലുദിവസം നീളുന്ന രണ്ടാംഘട്ടവുമായിട്ടാണ് തിരഞ്ഞെടുപ്പ്. ആദ്യഘട്ടത്തില്‍ ഇന്റലിജന്‍സ് ടെസ്റ്റ്, പിക്ചര്‍ പെര്‍സപ്ഷന്‍, ഗ്രൂപ്പ് ചര്‍ച്ച എന്നിവയുണ്ടാകും. ഇതില്‍ വിജയിക്കുന്നവരെ നാലുദിവസം നീളുന്ന രണ്ടാംഘട്ട തിരഞ്ഞെടുപ്പിന് ക്ഷണിക്കും. രണ്ടാം ഘട്ടത്തിൽ സൈക്കോളജിക്കല്‍ ടെസ്റ്റ്, ഗ്രൂപ്പ് ടാസ്‌ക് ടെസ്റ്റ്, അഭിമുഖം എന്നിവയാണ് ഉൾപെടുത്തിയിട്ടുണ്ടാവുക. ഇതിലും വിജയിക്കുന്നവരെ വൈദ്യപരിശോധനയ്ക്ക് വിധേയരാക്കും. ഈ ഘട്ടവും വിജയിക്കുന്നവരെയാണ് പരിശീലനത്തിന് തിരഞ്ഞെടുക്കുക.
കൂടുതല്‍ വിവരങ്ങള്‍ക്ക്: https://www.joinindiannavy.gov.in/