കേരള അഡ്മിനിസ്‌ട്രേറ്റിവ് സര്‍വിസ് പരീക്ഷ :സര്‍ക്കാറുമായി കൂടിയാലോചിക്കണമെന്ന സ്‌പെഷല്‍ റൂള്‍ വ്യവസ്ഥ അംഗീകരിക്കാനാവില്ലെന്ന് പി.എസ്.സി
കേരള അഡ്മിനിസ്‌ട്രേറ്റിവ് സര്‍വിസ് (കെ.എ.എസ്) പരീക്ഷയും സ്‌കീമും സംബന്ധിച്ച് സര്‍ക്കാറുമായി കൂടിയാലോചിക്കണമെന്ന സ്‌പെഷല്‍ റൂള്‍ വ്യവസ്ഥ അംഗീകരിക്കാനാവില്ലെന്ന് പി.എസ്.സി വീണ്ടും. പരീക്ഷയും സിലബസുമൊക്കെ തീരുമാനിക്കാനുള്ള അധികാരം തങ്ങളില്‍ നിക്ഷിപ്തമായിരിക്കെ വ്യവസ്ഥ തിരുത്തണമെന്നാണ് പി.എസ്.സി നിലപാട്.
വിവാദ വ്യവസ്ഥ തിരുത്തണമെന്നാവശ്യപ്പെട്ട് മുന്‍ നിശ്ചയ പ്രകാരമുള്ള കത്ത് ചൊവ്വാഴ്ച സര്‍ക്കാറിന് നല്‍കാന്‍ പി.എസ്.സി യോഗം തീരുമാനിച്ചു. നിയമനം പി.എസ്.സിക്ക് വിട്ടാല്‍ പരീക്ഷ, സിലബസ്, ഇന്റര്‍വ്യൂ തുടങ്ങിയ കാര്യങ്ങളെല്ലാം തീരുമാനിക്കുന്നത് പി.എസ്.സിയാണ്. കെ.എ.എസ് കരട് സ്‌പെഷല്‍ റൂളില്‍ 80 ശതമാനം മാര്‍ക്കിന്റെ എഴുത്തുപരീക്ഷയും 20 ശതമാനത്തിന്റെ ഇന്റര്‍വ്യൂവും എന്ന് നിര്‍ദേശിച്ചിരുന്നു. ഈ നിര്‍ദേശം കരടില്‍നിന്ന് നീക്കാന്‍ പി.എസ്.സി നിര്‍ദേശിക്കുകയും ചെയ്തു.
സിവില്‍ സപ്ലൈസ് കോര്‍പറേഷനില്‍ എല്‍.ഡി ടൈപ്പിസ്റ്റ് യോഗ്യത തെളിയിച്ചവര്‍ക്ക് ഇന്റര്‍വ്യൂ കം
പ്രൊഫിഷ്യന്‍സി ടെസ്റ്റ് നടത്താനും പി.എസ്.സി തീരുമാനിച്ചു. കൈത്തറി വികസന കോര്‍പറേഷന്‍ ലിമിറ്റഡില്‍ സെയില്‍സ് അസിസ്റ്റന്റ് തസ്തികക്ക് ഇന്റര്‍വ്യൂ കൂടി നടത്തും.
https://www.facebook.com/Malayalivartha
