കുസാറ്റ്‌ റജിസ്‌ട്രാര്‍: സാധ്യതാ ലിസ്‌റ്റ്‌ സിന്‍ഡിക്കറ്റിന്‌
22 AUGUST 2014 10:10 AM IST
മലയാളി വാര്‍ത്ത.
കൊച്ചി സര്‍വകലാശാല (കുസാറ്റ്‌) റജിസ്‌ട്രാര്‍ ഇന്റര്‍വ്യൂ കനത്ത പൊലീസ്‌ സംരക്ഷണത്തോടെ പൂര്‍ത്തിയായി. അപേക്ഷിച്ച 18 പേരില്‍ 10 പേര്‍ പങ്കെടുത്തു. തിരഞ്ഞെടുപ്പ്‌ സമിതി ഇവരുടെ മുന്‍ഗണനാ ലിസ്‌റ്റ്‌ തയാറാക്കി സിന്‍ഡിക്കറ്റിനു സമര്‍പ്പിക്കും.
ഐആര്‍എഎ ഡയറക്‌ടര്‍ ഡോ. ഡേവിഡ്‌ പീറ്റര്‍, കുസാറ്റ്‌ പോളിമര്‍ സയന്‍സ്‌ ആന്‍ഡ്‌ റബ്ബര്‍ ടെക്‌നോളജി പ്രഫ. തോമസ്‌ കുര്യന്‍, പുളിങ്കുന്ന്‌ എന്‍ജിനീയറിങ്‌ കോളജ്‌ പ്രിന്‍സിപ്പല്‍ മാത്യു ചെറിയാന്‍ എന്നിവരാണ്‌ ആദ്യ സ്‌ഥാനക്കാരെന്നു വ്യക്‌തമായിട്ടുണ്ട്‌. 30ന്‌ ചേരുന്ന സിന്‍ഡിക്കറ്റ്‌ രണ്ടു പേരുടെ പാനല്‍ സര്‍ക്കാരിനു സമര്‍പ്പിക്കും.
രണ്ടു തവണ മാറ്റിവയ്‌ക്കുകയും സിലക്‌ഷന്‍ കമ്മിറ്റി പലതവണ പുനഃസംഘടിപ്പിച്ചുമാണ്‌ ഇന്റര്‍വ്യൂ നടത്തിയത്‌. കഴിഞ്ഞ വര്‍ഷം നവംബര്‍ 26നായിരുന്നു റജിസ്‌ട്രാര്‍ നിയമനത്തിന്‌ അപേക്ഷ ക്ഷണിച്ചത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
