പുതുതായി ഉള്‍പ്പെടുത്തിയ സ്വകാര്യ സ്വാശ്രയ ഡന്റല്‍ കോളജുകളിലേക്കും പുതുതായി ഉള്‍പ്പെടുത്താന്‍ സാധ്യതയുള്ള സ്വകാര്യ സ്വാശ്രയ മെഡിക്കല്‍ കോളജുകളിലേക്കും ഓപ്‌ഷനുകള്‍ പ്രവേശന പരീക്ഷാ കമ്മിഷണര്‍ ക്ഷണിച്ചു. 

കണ്ണൂര്‍ അഞ്ചരക്കണ്ടി ഡന്റല്‍ കോളേജില്‍ 50% സീറ്റുകളില്‍ അലോട്‌മെന്റ്‌ നടത്തും. സൗകര്യങ്ങളുണ്ടെന്നു പ്രസ്‌താവന നല്‍കിയാല്‍ വെഞ്ഞാറമൂട്‌ ഗോകുലം മെഡിക്കല്‍ കോളജ്‌, കണ്ണൂര്‍ മെഡിക്കല്‍ കോളജ്‌, കോഴിക്കോട്‌ മലബാര്‍ മെഡിക്കല്‍ കോളജ്‌ എന്നിവിടങ്ങളില്‍ പ്രവേശനം നടത്താമെന്നും സുപ്രീംകോടതി ഉത്തരവായിട്ടുണ്ട്‌. ഇതിനകം പ്രവേശനം ലഭിച്ചിട്ടുള്ളവര്‍ ഒഴികെയുള്ള വിദ്യാര്‍ഥികള്‍ക്ക്‌ ഇന്നും നാളെയും www.cee.kerala.gov.in വെബ്‌സൈറ്റിലൂടെ ഓപ്‌ഷന്‍ റജിസ്‌റ്റര്‍ ചെയ്യാം. സര്‍ക്കാര്‍ ഡന്റല്‍ കോളജുകളില്‍ ഒഴിവുകള്‍ ഉണ്ടാകുന്നപക്ഷം അവ ഈ അലോട്‌മെന്റിലൂടെ നികത്തും.