സ്ത്രീസുരക്ഷയ്ക്കായി ഇതാ ഒരു കണ്ടുപിടുത്തം; ഷോക്കടിപ്പിക്കുന്ന ഷൂ
സ്ത്രീകൾ ഒട്ടും സുരക്ഷിതരല്ലാത്ത ഈ കാലഘട്ടത്തിൽ സ്ത്രീ സുരക്ഷയ്ക്കായിട്ട് തന്റെ കണ്ടുപിടിത്തവുമായി മുന്നോട്ടുവന്നിരിക്കുകയാണ് ഹൈദരാബാദ് സ്വദേശിയായ സിദ്ധാര്ത്ഥ് മണ്ഡാല എന്ന 18 കാരൻ. സ്ത്രീകൾക്ക് സ്വയം സംരക്ഷണത്തിനായി ഇലക്ട്രോ ഷൂ രൂപകല്പന ചെയ്തുകൊണ്ടാണ് ഈ മിടുക്കൻ ശ്രദ്ധേയനായത്. നടക്കുമ്പോൾ ചെരുപ്പിൽ ഉണ്ടാകുന്ന ഊര്ജം ഉപയോഗിച്ചാണ് ഇതിന്റെ പ്രവര്ത്തനം. ഇങ്ങനെ ഉണ്ടാകുന്ന ഊർജം ഒരു റീച്ചാര്ജബിള് ബാറ്ററിയില് ശേഖരിക്കപ്പെടുകയാണ് ചെയ്യുന്നത്. രണ്ടു വർഷം കൊണ്ടാണ് സിദ്ധാര്ത്ഥ് ഈ പരീക്ഷണം പൂർത്തിയാക്കിയത്. അതിനുവേണ്ടി തൽക്കാലത്തേക്ക് പഠനം മാറ്റിവെക്കുകയായിരുന്നു.
ഉപദ്രവിക്കാന് ശ്രമിക്കുന്ന ആളെ ഷൂ കൊണ്ട് ചവിട്ടിയാല് ഷോക്കടിക്കുന്ന രീതിയിലാണ് ഷൂവിന്റെ നിര്മാണം. ഒപ്പം തൊട്ടടുത്ത പോലീസ് സ്റ്റേഷനിലേക്ക് സന്ദേശം എത്തുകയും ചെയ്യും എന്നുള്ളതാണ് ഈ ഷുവിന്റെ പ്രത്യേകത.
സിദ്ധാർത്ഥിന് പന്ത്രണ്ട് വയസ് പ്രായമുള്ളപ്പോൾ ആണ് മനുഷ്യ മനസാക്ഷിയെ ഞെട്ടിച്ച നിർഭയ സംഭവം നടക്കുന്നത്. അന്നുമുതൽ സ്ത്രീ സുരക്ഷക്ക് വേണ്ടി എന്തെങ്കിലും ചെയ്യണമെന്ന് സിദ്ധാർഥ് ആഗ്രഹിച്ചിരുന്നു. ആ ആഗ്രഹം ഇപ്പോൾ ലക്ഷ്യം കണ്ടിരിക്കുകയാണ്.
സ്ത്രീകള് നിത്യേന ഉപയോഗിക്കുന്ന വസ്തുവാണെങ്കില് കാര്യങ്ങള് എളുപ്പവും സൗകര്യപ്രദവുമായിരിക്കും എന്ന ചിന്തയാണ് ഷൂവില് പരീക്ഷണം നടത്താന് സിദ്ധാര്ത്ഥിനെ പ്രേരിപ്പിച്ചത്.
https://www.facebook.com/Malayalivartha