ഏതൊരാളെയും അലട്ടുന്ന ഒരു കാര്യമാണ് സ്മാര്‍ട്ട്ഫോണില്‍ ചാര്‍ജ്ജ് പെട്ടെന്ന് തീരുകയെന്നത്. ചാർജ് തീരുന്ന സമയങ്ങളിൽ ഏതെങ്കിലും ചാർജർ ഉപയോഗിച്ചു ചാർജ് ചെയ്യുക എന്നതാണ് നമ്മുടെ രീതി. എന്നാൽ അത് ഒരു ശരിയായ വഴി അല്ല എന്നാണ് വിദഗ്ദർ പറയുന്നത്.ഒരുപക്ഷെ ചാർജ് തീരുകയാണെങ്കിൽ പോലും സ്മാര്‍ട്ട്ഫോണിന്റെ അതേ ചാര്‍ജ്ജര്‍ ഉപയോഗിച്ചു തന്നെ വേണം ഫോണ്‍ ചാര്‍ജ്ജ് ചെയ്യേണ്ടത്.

മൈക്രോ യുഎസ്ബി പോര്‍ട്ട് ഉപയോഗിച്ച്‌ ഫോണ്‍ ചാര്‍ജ്ജ് ചെയ്യുന്നത് വഴി സ്മാര്‍ട്ട്ഫോണിന്റെ ബാറ്ററി പ്രകടനത്തേയും ചാര്‍ജ്ജ് സംഭരിക്കുന്നതിനുളള ശേഷിയേയും ബാധിക്കുന്നു. അതാത് സ്മാര്‍ട്ട്ഫോൺ കമ്പനിയുടേതല്ലാത്ത വില കുറഞ്ഞ ചാര്ജറുകളിൽ വ്യതിയാനത്തിനും സംരക്ഷണത്തിനുമായി ഒരു സുരക്ഷാ സംവിധാനവും ഉള്‍പ്പെടുന്നില്ലെന്നാണ് അധികൃതർ പറയുന്നത്. ഇത്തരത്തില്‍ ചാർജ് ചെയ്യുന്നത് അഡാപ്ടറിന്‍റെ പരാജയത്തിനും ഫോണ്‍ ബാറ്ററിയുടെ സംഭരണ ശേഷിയെയും സ്ഥിരമായി നശിപ്പിക്കാന്‍ ഇടയുണ്ട്.

ചാർജ് ചെയ്യുന്ന സമയങ്ങളിൽ അതിന്റെ കേസ് ഒഴിവാക്കുന്നതിലൂടെയും ഫോൺ ചൂടാകുന്നത് ഒരു പരിധി വരെ ഒഴിവാക്കാം. എളുപ്പത്തിൽ ചാർജ് കയറുന്ന ചാര്ജറുകളുടെ ഉപയോഗo ഫോണിന്റെ ബാറ്ററിയെ സാരമായി ബാധിക്കുമെന്നും ടെക് വിദഗ്ധര്‍ പറയുന്നു.

അപ്രതീക്ഷിതമായി നിങ്ങളുടെ ഫോണ്‍ ചൂടാകുന്നുണ്ടെങ്കില്‍ ഡിസ്പ്ലേ സ്വിച്ച്‌ ഓഫ് ആകുന്നതു വരെ പവര്‍ ബട്ടണ്‍ അമര്‍ത്തിപ്പിടിക്കുക. അതുപോലെ തന്നെയാണ് രാത്രി മുഴുവന്‍ നിങ്ങളുടെ ഫോണ്‍ ചാര്‍ജ്ജ് ചെയ്യാന്‍ വയ്ക്കുന്നത്.ഇത് ബാറ്ററിയെ ഓവര്‍ ഹീറ്റിംഗിലേക്കും തുടർന്ന് പൊട്ടിത്തെറിയിലേക്കും വഴി ഒരുക്കുന്നു.