അടുത്തിടെയാണ് ​ഗായിക അമൃത സുരേഷും സം​ഗീത സംവിധായകൻ ​ഗോപി സുന്ദറും അവരുടെ പ്രണയം പരസ്യമാക്കിയത്. ബാലയുമായുള്ള വിവാഹ മോചനത്തിന് ശേഷം വർഷങ്ങളായി അമൃത സുരേഷ് സ്വന്തം കുടുംബത്തിനും മകൾക്കുമൊപ്പമാണ് താമസം. വളരെ ചെറിയ പ്രായത്തിൽ തന്നെ അമൃത സുരേഷ് ബാലയെ വിവാഹ​ ചെയ്തിരുന്നു. ശേഷം മകൾ പിറന്നതോടെ ഇരുവരും വൈകാതെ വേർപിരിഞ്ഞു.

ബാലയെ വിവാ​ഹം ചെയ്ത ശേഷം അമൃത സം​ഗീതം പൂർ‌ണ്ണമായും ഉപേക്ഷിച്ച രീതിയിലായിരുന്നു. പിന്നീട് ബാലയിൽ നിന്നും വേർപിരിഞ്ഞ ശേഷമാണ് അമൃത പാട്ടിന്റെ ലോകത്തേക്ക് തിരികെ എത്തിയത്. വിവാഹ മോചനത്തിന് ശേഷം അമൃത സഹോദരി അഭിരാമിയുമായി ചേർന്ന് മ്യൂസിക്ക് ബാന്റ് തുടങ്ങി സം​ഗീത പരിപാടികൾ അവതരിപ്പിക്കുന്നുണ്ടായിരുന്നു.

കഴിഞ്ഞ കുറച്ച് ദിവസം പട്ടായയിൽ അടിച്ച് പൊളിക്കുകയായിരുന്നു അമൃതയും, ഗോപി സുന്ദറും. ഇതിന്റെ ചിത്രങ്ങളും സോഷ്യൽ മീഡിയയിൽ വൈറലായിരുന്നു. ഗോപി സുന്ദറുമായുള്ള അടുത്ത ബന്ധത്തിന്റെ പേരില്‍ സോഷ്യല്‍ മീഡിയയില്‍ വലിയ വിമര്‍ശനങ്ങള്‍ നേരിടുകയാണ് അമൃത ഇപ്പോള്‍. ഇരുവരും ഒരുമിച്ചുള്ള ചിത്രങ്ങള്‍ക്കും വിശേഷങ്ങള്‍ക്കുമെല്ലാം നിരവധി നെഗറ്റീവ് കമന്റുകളാണ് ലഭിക്കാറുള്ളത്. തായ്‌ലന്‍ഡിലെ പട്ടായയില്‍ അവധി ആഘോഷിക്കുന്ന ഇരുവരുടെയും ചിത്രങ്ങൾക്ക് നേരെ വിമർശങ്ങൾ ഉയരുന്നുണ്ട്. പട്ടായ ഡയറീസ് എന്ന ക്യാപ്ഷനിലാണ് ഇരുവരും ഒന്നിച്ചുള്ള ചിത്രം പങ്കുവെച്ചത്.

പിങ്ക് നിറത്തിലുള്ള ഷോര്‍ട്ട് ഡ്രസ്സാണ് അമൃത ധരിച്ചിരുന്നത്. ടീ ഷര്‍ട്ടും പൈജാമയുമായിരുന്നു ഗോപി സുന്ദറിന്റെ വേഷം. ചിത്രങ്ങള്‍ക്ക് താഴെ പതിവുപോലെ തന്നെ വിമര്‍ശിച്ചുകൊണ്ടും പരിഹസിച്ചു കൊണ്ടുമുള്ള കമന്റുകള്‍ നിറയുകയായിരുന്നു. ദീപിക പദുക്കോണിന്റെ ശരീരം പോലെ അമൃതയുടെ ശരീരവും ആകണമെന്നാണ് തന്റെ ആഗ്രഹമെന്ന് ഗോപി സുന്ദർ പറഞ്ഞിരുന്നു. അമൃതയുടെ അവസാനത്തെ ചിത്രം അതിന് വേണ്ടി ആയിരുന്നോ എന്നാണ് ആരാധകരുടെ സംശയം. അടിവസ്ത്രം വരെ കാണാൻ കഴിയുന്ന അമൃതയുടെ ചിത്രത്തിന് നേരെ രൂക്ഷ വിമർശനങ്ങളാണ് ഉയർന്നത്. ഇതോടെ കമന്റ് ഓഫായാക്കിയാണ് അമൃത തടിയൂരിയത്.

ഫോട്ടോ പങ്കുവെച്ചപ്പോൾ കമന്റ് ബോക്സ് ഓൺ ആയിരുന്നു. പിന്നീടാണ് ഇരുവരും അത് ഓഫാക്കിയത്. പിങ്ക് നിറത്തിലുള്ള ഷോർട്ട് ഡ്രസ്സാണ് അമൃത ധരിച്ചിരുന്നത്. ടീ ഷർട്ടും പൈജാമയുമായിരുന്നു ​ഗോപി സുന്ദറിന്റെ വേഷം. ഫോട്ടോ പോസ്റ്റ് ചെയ്തയുടൻ നിരവധി പേർ കമന്റുകളുമായി എത്തിയിരുന്നു. പാപ്പുവിന്റെ ഡ്രസ്സാണോ അമൃത ധരിച്ചിരിക്കുന്നത് തുടങ്ങി കളിയാക്കിക്കൊണ്ടുള്ള നിരവധി മെസേജുകളും ഇരുവരുടേയും ഫോട്ടോയ്ക്ക് വന്നിരുന്നു.

കമന്റുകൾ മോശമായി തുടങ്ങിയത് കൊണ്ടായിരിക്കാം ഇരുവരും കമന്റ് ബോക്സ് ഓഫാക്കാൻ തീരുമാനിച്ചത്. ​ഗോപി സുന്ദറുമായി ഒരുമിച്ച് ജീവിക്കാൻ തുടങ്ങിയതോടെ യാത്രകളും പാട്ടും പരിപാടികളുമായി അമൃത ജീവിതം ആഘോഷമാക്കുകയാണ്. ഇരുവരും കഴിഞ്ഞ ദിവസം വരെ വിദേശത്ത് മ്യൂസിക്ക് പരിപാടികളുമായി തിരക്കിലായിരുന്നു. അടുത്തിടെ ​ഗോപി സുന്ദറിനൊപ്പമുള്ള ആദ്യത്തെ ഓണ വിശേഷങ്ങൾ പങ്കുവെച്ച് അമൃത എത്തിയിരുന്നു.

അമൃതയുടെ സഹോദരി അഭിരാമിയും ​ഗോപി സുന്ദറിനെ കുറിച്ച് വാചാലയായിരുന്നു. തന്റെ വല്യേട്ടനാണ് ​ഗോപി സുന്ദർ എന്നാണ് അഭിരാമി പറയുന്നത്. പ്രൊഫഷണൽ ലൈഫിൽ തന്റെ ​ഗുരുവാണെന്നും ​ഗോപി സുന്ദറിനെ കുറിച്ച് അഭിരാമി പറഞ്ഞിട്ടുണ്ട്. താൻ ​ഗോപി സുന്ദറുമായി പ്രണയത്തിലായപ്പോൾ തന്നെ മകൾ പാപ്പുവിനോട് കാര്യങ്ങൾ പറഞ്ഞിരുന്നുവെന്നും ശേഷം അവൾക്കും സമ്മതമായത് കൊണ്ടാണ് ​ഗോപി സുന്ദറിനൊപ്പം ജീവിക്കാമെന്ന് തീരുമാനിച്ചതെന്നും അമൃത സുരേഷ് പറഞ്ഞിട്ടുണ്ട്.