പ്രമുഖ തമിഴ് സിനിമ നിർമാതാവ് കെ.രാജൻ (85) ജീവനൊടുക്കിയ നിലയിൽ. ചെന്നൈയിലെ വസതിയിലാണ് അദ്ദേഹത്തെ മരിച്ചനിലയിൽ കണ്ടെത്തിയത്. ജീവനൊടുക്കാനുള്ള കാരണം വ്യക്തമായിട്ടില്ല. അപ്രതീക്ഷിത മരണത്തിൽ നടുങ്ങി സിനിമാലോകം.

ഖുശ്ബുവടക്കമുള്ളവർ സമൂഹമാധ്യമങ്ങളിലൂടെ അനുശോചനം രേഖപ്പെടുത്തി. 'നടുക്കുന്ന വാർത്തയാണിത്. ചലച്ചിത്ര ലോകത്തെ ഏറ്റവും പ്രിയപ്പെട്ടൊരാളായിരുന്നു കെ.രാജൻ സർ. അദ്ദേഹം ജീവനൊടുക്കിയെന്ന് വിശ്വസിക്കാനാവുന്നില്ല. തെറ്റിനെ തെറ്റെന്ന് പറയാൻ ഒരുകാലത്തും അദ്ദേഹം മടിച്ചില്ല. തീരാ ദുഃഖമാണിത്. ആ ആത്മാവിന് നിത്യശാന്തി നേരുന്നു'- ഖുശ്ബു കുറിക്കുകയുണ്ടായി.

ആർ. ശരത്കുമാറും രാജൻറെ മരണവാർത്തയറിഞ്ഞതിൻറെ ആഘാതത്തിലാണ് താനെന്ന് കുറിക്കുകയും ചെയ്തു.