ജയിലര്‍ 2 ന്റെ ചിത്രീകരണത്തിനായി രജനികാന്തും രമ്യാ കൃഷ്ണനും വീണ്ടും കേരളത്തിലെത്തുന്നത്. ആതിരപ്പള്ളിയില്‍ ജൂലായ് 14 ന് ഒറ്റ ദിവസം കൊണ്ട് രജനിയും രമ്യയും പങ്കെടുക്കുന്ന ജയിലര്‍ 2 ലെ ഒരു നിര്‍ണ്ണായക രംഗം ചിത്രീകരിക്കാനാണ് പ്ലാന്‍. സണ്‍ പിക്‌ച്ചേഴ്‌സിന്റെ ബാനറില്‍ കലാനിധി മാരന്‍ നിര്‍മ്മിച്ച് നെല്‍സണ്‍ ദിലീപ് കുമാര്‍ രചനയും സംവിധാനവും നിര്‍വ്വഹിക്കുന ചിത്രത്തില്‍ ഋത്വിക്ക് റോഷന്‍, മോഹന്‍ലാല്‍, ശിവരാജ്കുമാര്‍, മിഥുന്‍ ചക്രവര്‍ത്തി, എസ്.ജെ.സൂര്യ,സുരാജ് വെഞ്ഞാറമൂട്, യോഗി ബാബു, മിര്‍ണ, അന്ന രാജന്‍ തുടങ്ങിയ ഒരു വലിയ താരനിര തന്നെ അണിനിരക്കുന്നുണ്ട്.അനിരുദ്ധ് രവിചന്ദറാണ് സംഗീത സംവിധായകന്‍. ഛായാഗ്രഹണം: വിജയ് കാര്‍ത്തിക്ക് കണ്ണന്‍, എഡിറ്റിംഗ്: ആര്‍. നിര്‍മ്മല്‍.