ലെഗ്ഗിൻസ് ധരിക്കുന്ന സ്ത്രീകൾക്കൊരു മുന്നറിയിപ്പ് ; നിങ്ങൾക്ക് ഗുരുതര ആരോഗ്യപ്രശ്നങ്ങൾ ഉണ്ടാകാനുള്ള സാധ്യത ഇരട്ടിയിലധികം.
ഫാഷന്‍ വിപണിയില്‍ ലെഗ്ഗിങ്‌സ് ആണ് ഏറ്റവും പുതിയ സെന്‍സേഷന്‍. ഇപ്പോൾ സ്ത്രീകളുടെ ഇഷ്ടവേഷമായി മാറിയിരിക്കുന്നു ലെഗ്ഗിൻസ് .
ജീൻസ്,പാന്റ്സ്,എന്നിവയെക്കാൾ കൂടുതൽ സൗകര്യപ്രദമായതിനാലാകാം ലെഗ്ഗിന്സിനു ഇത്ര പ്രചാരം ലഭിച്ചത്. എന്നുമാത്രമല്ല വിവിധ നിറങ്ങളിലും ഷെയ്‌ഡുകളിലും ലെഗിൻസ് ഇപ്പോൾ ലഭ്യമാണ്
ചെറുപ്പക്കാര്‍ മാത്രമല്ല എല്ലാ പ്രായത്തിലെ സ്ത്രീകളും ഇവ ധരിക്കാന്‍ തുടങ്ങിയിട്ടുണ്ട്. ആദ്യകാലത്ത് ഓരോ കാലിലും പ്രത്യേകം അണിയുന്ന തരത്തിലായിരുന്നു ലെഗ്ഗിങ്‌സിന്റെ രൂപകല്‍പ്പനയെങ്കിലും ചുരുങ്ങിയ കാലയളവില്‍ ഇന്നു കാണുന്ന തരത്തിലുളള ലെഗ്ഗിങ്‌സ് വിപണിയിലെത്തി തുടങ്ങി.
തണുപ്പുകാലത്ത് ചര്‍മ്മത്തിന്റെ ചൂട് നിലനിര്‍ത്താനാണ് ആദ്യകാലത്ത് ലെഗ്ഗിങ്‌സ് കൂടുതലും ഉപയോഗിച്ചിരുന്നത്. എന്നാല്‍ കാലക്രമേണ എല്ലാ കാലാവസ്ഥയിലും എല്ലാ അവസരത്തിലും ലെഗ്ഗിംഗ്സ് ഉപയോഗിക്കപ്പെടാന്‍ തുടങ്ങി.
ശരീരത്തോട് ചേര്‍ന്ന് നില്‍ക്കുന്ന ലെഗ്ഗിംഗ്സ് യാത്രകളില്‍ വളരെ സൗകര്യപ്രദമായി തീര്‍ന്നു. ഇതിനെല്ലാമുപരിയായി ഫിറ്റ് ഇന്‍ ഷേപ്പ് എന്ന ചിന്താഗതി ശക്തിയാര്‍ജ്ജിച്ചത് ലെഗ്ഗിംഗ്‌സിന്റെ ജനപ്രിയത കൂട്ടി. കാലുകളുടെ രൂപസൗകുമാര്യം എടുത്തുകാട്ടാന്‍ സഹായിക്കുന്ന ലെഗ്ഗിങ്‌സിന്റെ ഉപയോഗത്തെച്ചൊല്ലി പല വിവാദങ്ങളും ഉണ്ടായിട്ടുണ്ട്. എന്നാല്‍ സ്ഥിരമായി ഇറുക്കമുള്ള ലെഗ്ഗിൻസ് ഉപയോഗിക്കുന്നത് ഗുരുതര രോഗങ്ങൾക്ക് വരെ കാരണമായേക്കാം എന്നത് ശ്രദ്ധിക്കേണ്ട കാര്യമാണ്
വിയര്‍പ്പ് വലിച്ചെടുക്കും
ചില ലെഗ്ഗിംഗ്‌സുകളുടെ തുണി വിയര്‍പ്പ് വലിച്ചെടുക്കുന്ന തരത്തിലുളളതാണെങ്കിലും അനേകം മണിക്കൂറുകള്‍ ചര്‍മത്തോട് ചേര്‍ന്നു കിടക്കുന്ന ഇവ ചര്‍മത്തിനു മുകളിലെ വായു സഞ്ചാരത്തെ സാരമായി ബാധിക്കും.
വിയര്‍പ്പ്
ലെഗിന്‍സ് വായു സഞ്ചാരത്തെ സാരമായി ബാധിക്കുന്നതിനാല്‍ കാലിന്റെ ഇടുക്കുകലില്‍ വിയര്‍പ്പ് തങ്ങി നിന്ന് പൂപ്പല്‍ ബാധയുണ്ടാകാന്‍ വളരെയേറെ സാധ്യതയുണ്ട്.
ഫംഗസ് ബാധ
ഫംഗസ്ബാധയുടെ ചികിത്സയില്‍ ചര്‍മത്തിനു മുകളിലെ വായുസഞ്ചാരം പ്രധാനമാണ്. ഈ അവസ്ഥയില്‍ സ്ഥിരമായി ലെഗ്ഗിംഗ്സ് ഉപയോഗിക്കുന്നത് ഒഴിവാക്കുകയാണ് ഒരു പരിഹാരം.
നടുവേദന
സുഖത്തിന് വേണ്ടിയാണ് ഇറുകിയ വസ്ത്രങ്ങള്‍ നമ്മള്‍ പലപ്പോഴും തെരഞ്ഞെടുക്കാറുള്ളത്. എന്നാല്‍ പുതിയ ട്രന്‍ഡായ സ്‌കിന്നി വസ്ത്രങ്ങള്‍ നമ്മുടെ ശരീരത്തില്‍ വരുത്തുന്ന മാറ്റങ്ങൾ ചില്ലറയല്ല . ഇവ ശരീരത്തോട് ഇറുകി കിടക്കുമ്പോൾ ഞരമ്പുകള്‍ ഇത്തരം വസ്ത്രങ്ങളുടെ സമ്മര്‍ദ്ദത്തില്‍ ഞെരുങ്ങാനും ഇടുപ്പെല്ലിന്റെ അനായാസചലനത്തെ നിയന്ത്രിക്കാനും കാരണമാകുന്നുണ്ടെന്നാണ് വിദഗ്ധരുടെ സാക്ഷ്യപ്പെടുത്തല്‍. ഇത്തരത്തിലുള്ള ഞെരുങ്ങല്‍ നട്ടെല്ലിന് സമ്മര്‍ദ്ദം കൂട്ടുകയും സാവധാനത്തില്‍ അത് നടുവേദനയ്ക്ക് കാരണമാകുകായും ചെയ്യും
ശരീരത്തോട് ഇഴുകിച്ചേര്‍ന്ന് നില്‍ക്കുന്ന ലെഗ്ഗിൻസ് അരഭാഗത്ത് മാത്രമല്ല ഇറുങ്ങി നില്‍ക്കുന്നത്. ഇടുപ്പ്, തുട, കാല്‍ഫ് മസില്‍ എന്ന് വിളിക്കുന്ന മുട്ടിന് തൊട്ടുതാഴെയുള്ള മാംസഭാഗം എന്നിവിടങ്ങളിലെല്ലാം ഒരേ പോലെ സമ്മര്‍ദ്ദം നല്‍കി ഇറുങ്ങി നില്‍ക്കുന്നവയാണ്. ഇത് സന്ധികള്‍ക്ക് വലിവ് ഉണ്ടാക്കുന്നു. കൂടാതെ പാന്റിന്റെ പിറകിലെ പോക്കറ്റിലായി മൊബൈല്‍ ഫോണ്‍ ഇടുന്നതും ആരോഗ്യ പ്രശ്നങ്ങൾ ഉണ്ടാക്കും.
ലെഗ്ഗിംഗ്സ് നിയമവിരുദ്ധമൊന്നുമല്ല... പക്ഷേ നമ്മുടെ സംസ്‌കാരത്തിനും ആരോഗ്യത്തിനും ഒരു പോലെ ഇണങ്ങുന്ന വസ്ത്രരീതി സ്വീകരിക്കുന്നതല്ല കൂടുതൽ അഭികാമ്യം?
https://www.facebook.com/Malayalivartha
